Habarovsk ólkesinde Mı-8 tikushaǵynyń apatynan 6 adam qaza tapty
ASTANA. QazAqparat - Reseıdiń Habarovsk ólkesinde Mı-8 tikushaǵynyń apatynan 6 adam qaza tapty, dep jazady TASS.
Málimetter boıynsha, tikushaq "Vostok" áýekompanııasyna tıesili bolǵan. Ol Polına Osıpenko atyndaǵy aýyldan ushyp shyǵyp, Ongachan shyǵanaǵy aýdanyndaǵy Shantarsk aralyna qonýy tıis edi. Bortta 3 ekıpaj múshesimen birge 13 jolaýshy bolǵan.
Ongachan shyǵanaǵyna tikushaq Máskeý ýaqytymen 10:20-da kelip qonýy kerek bolǵan. Alaıda, mejeli ýaqytta olarmen baılanysý múmkin bolmaǵan. Osydan keıin Mı-8 jáne An-26 tikushaǵy olardy izdeýge jiberildi. Birer sátten keıin ekıpaj komandıri baılanysqa shyǵyp, tikushaqtyń qonýǵa tıisti jerden 3 shaqyrym jerde apatqa ushyraǵanyn habarlaǵan. Aldyn ala málimet boıynsha, 3 ekıpaj múshesi men 7 jolaýshy aman qalǵan. Al 6 jolaýshy ajal qushqan.
