Habarovsk ólkesinde aıý ańshy men onyń ıtin talap óltirdi
ASTANA. QazAqparat - RF Habarovsk ólkesinde taıgada aıý ańshy men onyń ıtin talap tastady, dep habarlady RIA Novostı.
«Seısenbi, 17 qarashada, Vanınskıı aýdany Týlýchı kentiniń eki turǵyny ıtimen birge aıý aýlaýǵa shyǵady. Taıgada olar jeke bólinip ketedi. Tańerteńgi saǵat 10 shamasynda olardyń biri aıýdy keziktirip, «Saıga» karabıninen oǵan oq atpaq bolady, alaıda patron qarysyp qalyp, oıyn iske asyra almaı qalady. Yzaly aıý 45 jastaǵy ańshyǵa qarsy umtylyp, ony talap tastady, jyrtqysh artynsha ıtti de óltirip tastady», - delingen RF TK tergeý basqarmasynyń habarlamasynda.
Qaıǵyly jaǵdaıǵa ekinshi ańshy kýá boldy. Ol aıýdy tegis uńǵyly qarýmen atyp óltirdi. Tergeýshiler tekserý júrgizip, bolǵan oqıǵanyń mán-jaıyn anyqtaýda.
Ańshynyń aıý atýǵa lıtsenzııasy bolǵany belgili boldy, tekserý nátıjesi boıynsha protsessýaldyq sheshim qabyldanady.
