Habarovsk ólkesinde Amýr jolbarystarynyń sanyn esepteý kózdelip otyr
ASTANA. QazAqparat - Aldaǵy qysta Habarovsk ólkesinde Amýr jolbarystarynyń sany esepteledi. Aldyńǵy esep osydan on jyl buryn júrgizilgen, dep habarlady beısenbi kúni ólkelik úkimet saıtynda.
Amýr jolbarysy - ǵalamsharda sırek kezdesetin jyrtqysh ańdardyń biri. Ol Halyqaralyq Qyzyl kitapqa engizilgen.
Búgingi tańda bul óńirde 70-80-ge jýyq jolbarys meken etedi.
«2014-2015 jyldardaǵy qysqy kezeńde Habarovsk ólkesi aýmaǵynda jolbarystardyń sanaǵy júrgiziledi. Bul taǵy ań sanyn aýqymdy zertteý 10 jyl saıyn júrgiziledi», dep habarlanǵan saıtta. Amýr jolbarystaryn esepteý ormanda turaqty qar jamylǵysy paıda bolǵan kezde bastalady.
Jolbarystar sanyn anyqtaý sharasy 2015 jyldyń aqpanyna deıin sozylmaq.
