Habarlandyrýlardy zańsyz ilgenderdiń isi sotta qaralatyn bolady - S.Ahmetov
ASTANA. Sáýirdiń 16-sy. QazAqparat /Arman Asqarov/ - Aıaldamalarda habarlandyrýlardy zańsyz ilgen azamattar sotqa beriletin bolady.
Bul týraly búgin Astana qalasy Almaty aýdanynyń ákimi Sapar Ahmetov málim etti, dep habarlaıdy QazAqparat.
Óz sózinde aýdan ákimi bul máseleniń qaladaǵy asa ózekti problemalarynyń biri ekendigin atap ótip, bul jumyspen arnaıy ilkimdi toptardyń aınalysatyndyǵyn jetkizdi. «Aldaǵy ýaqytta biz habarlandyrý iletin arnaıy taqtalardy ornatýdy josparlap otyrmyz. Sonda jeke azamattar men kásiporyndardyń habarlandyrýlaryn jabystyrýǵa ruqsat beriledi. Al aıaldamalarǵa habarlandandyrý ilgen azamattarǵa qatysty qatań sharalar qoldanylady, tipti biz osy másele boıynsha sotqa deıin baratyn bolamyz», - deıdi S.Ahmetov.
