Habarlama qaýipti bolýy múmkin: Telegram jańa fýnktsııa qosty
ASTANA. KAZINFORM — Telegram messendjerinde endi sizdiń suhbattasýshyńyz resmı emes qosymshany qoldansa, sizge habarlama shyǵatyn bolady. Bul týraly «Kod Dýrova» basylymy habarlady, dep 24kg jazdy.
Málimetke sáıkes, mundaı belgimen birge qoldanýshylarǵa qaýipsizdikke qatysty yqtımal qaýipter jóninde de eskertý beriledi.
Bul sheshim júrgizilgen zertteýden keıin qabyldandy. Zertteý barysynda Telega dep atalatyn balamaly qosymsha 18 naýryzdan bastap jasyryn fýnktsııany iske qosqany anyqtalǵan. Ol fýnktsııa qosymshaǵa Telegram serveri men paıdalanýshy arasyndaǵy barlyq derekterdi ustap alyp, olardy óz qurylǵylary arqyly ótkizýge múmkindik beredi.
«[Paıdalanýshy] Telegram-nyń resmı emes qosymshasyn qoldanýda — osy paıdalanýshyǵa jiberilgen habarlamalar azdap qaýipsiz bolýy múmkin» — osyndaı eskertý resmı emes klıent qoldanatyn adammen chatta kórsetiledi.
Buǵan deıin júrgizýshilerge arnalǵan telegram-bot iske qosylǵanyn jazǵan edik.
