«Habar» telearnasynda - «Jigit sultany» jobasy

Saıysqa qazylyq etetin tóreshiler: Qazaq gýmanıtarlyq zań ýnıversıtetiniń rektory, qoǵam qaıratkeri - Maqsut Nárikbaev, Astana tsırkiniń ónerpazy, bilikti akrobat - Erlan Ázızov, QR "Daryn" memlekettik jastar syılyǵynyń ıegeri, akter, ánshi - Saılaý Qamıev.

Kórermenge qulaqqaǵys, osy baǵdarlamada túsirilim alańynda eshkim kútpegen tosyn jaǵdaı oryn alǵan bolatyn. Qatysýshylyrdyń biri sahnaǵa shyǵyp ónerin kórsetip bastaǵan kezde... talyp qaldy. Bul jaıttyń sońy ne bolǵanyn «Habar» arnasynyń turaqty kórermenderi 1 maýsym kúni, keshki saǵat 22.20-da biletin bolady...

Baıqaý týraly pikir kóp. Talǵamǵa talas joq. Sondyqtan, mazmundary da ártúrli. Máselen, tanymal prodıýser, «El arna» telearnasyndaǵy «Qazaq arýy» saıysynyń uıymdastyrýshysy Baıan Esentaeva - mynadaı pikir aıtady: «Jigit sultany» - mazmun jaǵynan da, qurylym jaǵynan da, túsirilim jaǵynan da erekshe joba. Sondyqtan, onyń kórermeni az degenge senbeımin. Kir tasyn kóterip turǵan azamattyń bilim deńgeıin tekserý de, aqynjandy romantık jigittiń kúshin synaý da qyzyq, meniń oıymsha. Búginde jastar elikteıtin ulttyq obraz joq. Ol obraz ánshilerden ary asa almaı jatyr. Sondyqtan, bul jobanyń ıdeologııalyq maqsatta bereri, er azamattarǵa úıreteri kóp».

Elimizde jylyna ondaǵan baıqaýlar ótkiziledi. Olardyń biri arnaıy salalarǵa arnalsa, ekinshi biri jekelegen qabiletterdi synap kórýdi maqsat etedi. Olardyń qataryna «Mıss Kazaqstan», «Qazaqstan top-modeli», «Qazaq arýy», «Qazaq hanshaıymy» jáne t.b. baıqaýlardy jatqyzýǵa bolady. Ókinishke qaraı osy uzyn-sonar konkýrstardyń ishinde tek er azamattarǵa ǵana arnalǵan saıys bolmaı keldi. Tek sonaý 1993-1994 j.j. sondaı saıys ótkizilip, sonyń nátıjesinde juldyzy janǵan azamattar retinde M.Áýezov atyndaǵy akademııalyq teatrdyń ártisi, akter Jalǵas Tolǵanbaıdy, QR Eńbek sińirgen qaıratkeri, ánshi Mahmut Toıkenovti, Q.Qýanyshbaev atyndaǵy mýzykalyq-drama teatrynyń akteri Saǵadildá Úsibálini bilemiz.

Televıdenıe tarıhyna engen osy bir jobany eske ala otyryp, ózinshe shabyttanǵan «Habar» arnasy erjúrektilik men er minezdiliktiń, daryndylyq pen jigerliliktiń saıysy «Jigit sultany» atty jańa jobany qolǵa alyp, búgingi tańǵa deıin qalyń kórermen bul baıqaýdyń alǵashqy bes saıysyn tamashalap úlgerdi.

Birinshi irikteý týry negizgi konkýrstan eki aı buryn júrdi. Oǵan saıys talabyna saı kelgen barlyq er azamattar qatysýǵa múmkindik aldy. Baǵdarlama qatysýshylaryna qoıylǵan basty talaptar: jasy 18 ben 29 aralyǵynda, boıy uzyn, qazaq tilinde erkin sóıleı alatyn, qazaq dástúri men tarıhynan sýsyndaǵan, ónerli, ári sportpen shynyqqan azamat bolý. Osy údeden shyǵady-aý degen, top jaryp, sýyrylyp shyqqan 16 jigit 6 shildege deıin jalǵasatyn saıystyq baǵdarlamada óz baǵyn synap kórýge múmkindik aldy. Daıyndyq kezeńinde ol jigitter qabilet-qarymdaryn shyńdap, jańa dúnıeler úırenedi. Ásirese erekshe atap óterlik jaıt, ulttyq salt-dástúrge degen qabilettilik pen beıimdilik mashyqtary birinshi kezekti turmaq. Úmitkerlerdiń ár baǵdarlamaǵa daıyndyq barysy da túsirilip alynyp, kórermen nazaryna usynylyp keledi. Ár baǵdarlamadan soń bir úmitker baǵdarlamadan shyǵyp otyratyndyǵynan da kózi qaraqty kórermen habardar. Búginge deıin tanystyrý, án saıysy, sporttyq báseke, akterlik sheberlik, ulttyq qolóner saıystary efırge shyǵyp úlgerdi. Alda erekshe óner saıysy, «At - erdiń qanaty» saıysy, bı jarys, eptilik pen tapqyrlyq básekesi jáne ulttyq oıyndar jarysy kútip tur. Aqtyq básekede 6 azamat dodaǵa túsip, jeńimpazǵa temir tulpardyń kilti tabys etilmek.

Jigittiń sultany atanýǵa úmitkerler tek qana syrt kelbeti men symbatyna ıek arta almaıdy. Qazylar qatysýshylardyń ónerin baǵalap, aqylyn, tapqyrlyǵyn synaıdy. Qazylar alqasy - ár saıystyń maıtalmandary, óz salasyna saı baǵa berip, úzdikterdiń úzdigin anyqtap keledi. Máselen, án saıysynda opera sańlaǵy Súndet Baıǵojın, estrada juldyzy Tolqyn Zabırova qazylyq etse, sport básekesinde Olımpıada chempıondary Ermahan Ibraıymov pen Baqtııar Artaev tóreshilik etti. Ótken aptada kórermen tamashalaǵan qolóner saıysynda tarıh ǵylymdarynyń kandıdaty, etnograf Asylhan Bekenov, QR Eńbek sińirgen qaıratkeri, sýretshi-zerger Berik Álibaı jáne «Qazaq oıýlary» kompanııasynyń prezıdenti Tolǵanaı Elekbaeva ádil baǵalaryn berdi. Osynyń ózi ár saıysqa jalpylama kózqarasyn bildiretin emes, naqty kásibı tujyrymyn aıta alatyn naǵyz mamandar qatysyp jatqandyǵynyń aıqyn kórsetkishi bolsa kerek.

Rınat Kertaev, «Habar» Agenttiginiń baǵdarlamalar óndirisi dırektsııasynyń bas prodıýseri, joba jetekshisi:

«Jigit sultany» jobasy - qazaqstandyq kórermender úshin tyń, jańa, kútpegen baǵdarlama. Aldyńǵy býyn ókilderine de, keıingi býyn ókilderine de qyzyqty bolatyn joba. Baǵdarlamanyń ár sany ár túrli óner túrine arnalady, sonysymen qalyń kórermendi eliktirip otyrady dep oılaımyz. Tól jobamyzda ulttyq naqysh pen zamanaýı talaptar jaqsy úılesim tapqandyqtan, jigit tóresin anyqtaıtyn bul baıqaý televıdenıe aıdynynda óziniń laıyqty ornyn alady dep úmittenemiz.

Nazym Basqynbaeva, «Jigit sultany» respýblıkalyq telebaıqaýynyń prodıýseri:

«Jigit sultany» eń aldymen ulttyq qundylyqtardy dáripteýdi maqsat etken tól joba bolǵandyqtan, barsha kórermen kútken qolóner saıysy da, ulttyq oıyn túrleri de, attyń qulaǵynda oınaıtyn baǵdarlama da, bı saıysy men bilim jarysy, bári-bári bizdiń jobamyzda qamtylǵan dúnıeler. Aqtyq synǵa shyqqan jigitterge kelsek, olardyń arasynda segiz qyrly bir syrly akter men ánshilerden ózge áskerı qyzmetker de, ustaz da, zańger de bar. Sondyqtan, ár apta saıyn bolatyn konkýrstyq baǵdarlamalardy tamashalap, shyn júırikti birge tańdaıyq degim keledi. Endi ǵana qanat qaqqan tól jobamyz elimizdegi jastar qaýymymen qosa, aldyńǵy býyn ókilderine de oı sala alatyn dúnıe bolady dep úmittenemiz. Jastarymyz óz zamandastarynyń basty kemshilikterin kórip, óz boıynan sonyń belgilerin joıady ǵoı degen úmit te joq emes. Aqtyq synda kim jeńiske jetse de, eń basty nárse aıqyn: bul qazaq azamattarynyń syny bolǵandyqtan, eń aldymen qazaqtyń mádenıeti men azat rýhy, salt-dástúri men tyń ıdeıalary jeńiske jetedi dep senim bildirgim keledi.

Alma Saılaýqyzy, «Jigit sultany» respýblıkalyq telebaıqaýynyń atqarýshy prodıýseri: «Jigit sultany» jobasy bastalǵaly beri irikteýden ótken 16 jigit jan-jaqty shyńdalyp ketedi. Olardyń árqaısysy da naǵyz qazaqtyń azamaty dep ataýǵa laıyq daryndy, segiz qyrly bir qyrly jigitter der edim. Keı úmitkerler buryn sońdy baıqap kórmegen salanyń qyr-syryn meńgerip jatsa, keı úmitkerler sol synalý barysynda óziniń boıynan jańa qasıetter men qabiletterdi «arshyp» alyp jatyr. Osyndaı synnan ótken, el úmitin arqalaǵan tarlandar bolashaqta alashtyń arqa súıer azamattaryna aınalady dep oılaımyn.

http://khabar.kz/kz/programms/program/Jegit_sultany

http://vk.com/zhigitsultany