«Habar» telearnasy kezekti jańa jobasyn usynady
ASTANA. QazAqparat - «Habar» telearnasy kórermendi taǵy bir tanymdyq jobamen qýantqaly otyr. Jeksenbi kúni arnada 2013 jyldyń iri telejobalarynyń biri bolǵan «Dý-Dýman» baǵdarlamasynyń ekinshi maýsymy bastalady, dep habarlady www.24.kz.
Bul jolǵy dodada 4 ázil-syqaq teatry baq synaıdy. «Dý-Dýman» baǵdarlamasy - elimizde balamasy joq jobalardyń biri. Munda sheberligi men tapqyrylyǵy joǵary satıra saıypqyrandary óz biliktilikterin mıllıondaǵan kórermenniń aldynda sarapqa salady. Bıyl jobaǵa elimizdiń 4 ázil syqaq teatry qatysyp otyr. Olar - «Óner qyrandary», «Kúlkistan», «Eki ezý» jáne «Shymkent shoý» teatrlary. "Bul tek shoý baǵdarlama emes, qazaq satırasyn, teatrlyq satırany jańa deńgeıge kóteretin jáne solarǵa stsenarıı jazatyn azamattardyń oılanýyna ózderiniń ónerin jańa deńgeıge kóterýge múmkindik beretin jańa joba dep oılaımyz. Biz bir jaǵynan baǵdarlama jasap otyrmyz, ekinshi jaǵynan osy azamattardyń ónerine qoldaý kórsetip, odan ári damýyna múmkindik berýge tyrysyp jatyrmyz. «Dý-Dýman» baǵdarlamasynyń alǵashqy maýsymyna 6 teatr qatysyp, «Shanshar» ázil-syqaq teary úzdik dep tanylǵan edi. Onda úmitkerlerge óz repertýarynda burynan bar ázil-syqaq qoıylymdaryn paıdalanýǵa ruqsat etilgen. Al ekinshi maýsymda talap qatal bolǵaly otyr. Qatysýshylarǵa bir kún buryn belgili bir taqyryp beriledi. Teatrlar sol taqyryp boıynsha qoıylym daıyndap, kórermendi kúlkige bóleýi tıis", deıdi «Habar» telearnasynyń bas prodıýseri Rınat Dýmanuly. «Dý Dýman» baǵdarlamasy 8 qarashadan bastap, ár senbi saıyn saǵat 20:00-de efırge shyǵady. Jalpy úzdikti anyqtaý 12 kezeń boıynsha júrgiziledi. Jeńimpazǵa shaǵyn avtobýs syıǵa berilmek. Uıymdastyrshylar bul telebaıqaýdyń maqsaty shyn mánindegi satıranyń dúldúlin anyqtaý deıdi. Aıta keteıik, úzdikterdi qazylar alqasymen qatar stýdııaǵa kelgen kórermender de daýys berý arqyly anyqtaıtyn bolady.
