«Habar» telarnasy «Qazaqstan - Shvetsııa» 2014 jylǵy Álem chempıonatyna irikteý týrnırin kórsetedi
ASTANA. 3 qyrkúıek. QazAqparat - «Habar» telearnasy 10 qyrkúıek kúni saǵat 22:00-de tikeleı efırden 2014- Álem chempıonatyna irikteý týrnırin kórsetpek.
Qazaqstan quramasy «Astana-Arena» stadıonynda Shvetsııa komandasymen kezdesedi.
Matchtyń barysyna Sergeı Raılıan jáne Erjan Kóshkinbaev túsinikteme beredi. Aıtpaqshy, «Habar» telearnasy 15 qazanda ótetin 2014- Álem chempıonatyna irikteýdi qorytyndylaıtyn «Irlandııa - Qazaqstan» kezdesýin kórsetedi.
Astanadaǵy Shvetsııa quramasynyń quramynda «Parı Sen-Jermen» frantsýz klýbynyń atynan shyǵyp júrgen komandanyń beldi oıynshysy Zlatan Ibragımovıch bar ekenin belgili boldy. Sondaı-aq, Qazaqstan quramasyna qarsy Shotlandııanyń «Seltık» komandasynyń qorǵaýshysy, Chempıondar lıgasy sheńberinde qaraǵandylyq «Shahterǵa» qarsy oıyndarǵa qatysqan Mıkael Lýstıg oınaıtyny jarııalandy.
Ótken jyly Malma qalasynda 2014-Álem chempıonatyna irikteý sheńberinde Qazaqstan quramasy Shvetsııa komandasynan 2:0 esebimen jeńilip qalǵan.
