Habar-osharsyz joǵalǵan 61 jastaǵy kókshetaýlyqtyń denesi tabyldy
KÓKShETAÝ. QazAqparat - Aqmola oblysynda habar-osharsyz ketken 61 jastaǵy er adamnyń denesi tabyldy, dep habarlaıdy QazAqparat tilshisi.
Oblystyq polıtsııa departamenti baspasóz qyzmetiniń málimetinshe, bıylǵy maýsymnyń 30-da Kókshetaý qalalyq polıtsııa basqarmasynyń kezekshi bólimine qala turǵyny, 31 jastaǵy áıel habarlasyp, 1960 jyly týǵan ákesi Bolatbek Qorǵanbekuly Battalovty izdep tabýǵa kómek suraǵan.
Er adamdy izdeý jumysyna Kókshetaý qalalyq PB jeke quramynan 20 adam, Aqmola oblystyq TJD jeke quramynan 5 adam, 15 volonter, 40 kýrsant jáne 8 tehnıka jumyldyryldy.
Tsentralnyı, Vasılkovka shaǵynaýdanyndaǵy páter ıelerinen suralyp, beınejazba kameralaryndaǵy jazbalar tekserildi.
«Іzdestirý jumysynyń nátıjesinde er adamnyń denesi 9 shilde saǵat 10:00 shamasynda Kókshetaý qalasynan áýejaıǵa barar joldaǵy orman alqabynan tabyldy. Qazirgi kezde sot-medıtsınalyq saraptama taǵaıyndaldy. Oqıǵanyń mán-jaıy anyqtalý ústinde», - dedi vedomstvodan.
Aıta ketsek, osyǵan deıin Aqmola oblysynda habar-osharsyz ketken er adamǵa izdeý jarııalanǵan bolatyn.
