«Habar» men QBTÝ ǵımaraty Almatynyń sáýlet eskertkishteri tizimine kiredi
ALMATY. QazAqparat - Almaty ákimdigi qalanyń tarıhı mádenı eskertkishteri tizimine enetin ǵımarattaryn tizimin jarııalady, dep habarlaıdy QazAqparat tilishisi.
Tizimge Qazaq tehnologııa jáne bıznes ýnıversıteti, Joldasbekov atyndaǵy stýdentter saraıy, KIMEP ýnıversıteti, «Almaty Arena» jáne basqalary kiredi.
1. Qazaq tehnologııa jáne bıznes ýnıversıteti 1938-39 jyldary salynǵan. Klassıkalyq stıldegi 3 qabatty ǵımarat T.Shevchenko men A.Baıtursynov kósheleriniń qıylysynda ornalasqan.
2. Qazaq-brıtan tehnıkalyq ýnıversıteti 1954 jyly sáýletshiler Kım Dosen men D.Melnıkovterdiń jobasymen salynǵan. Burynǵy Joǵarǵy keńestiń ǵımaraty Abaı dańǵylynda ornalasqan.
3. «Habar» agenttiginiń ǵımaraty retinde tanylǵan Apparattyq stýdııa kesheni 1938 jyly salynǵan. Teleortalyq Jeltoqsan kóshesiniń boıynda ornalasqan .
4. Joldasbekov atyndaǵy stýdentter saraıynyń qurylysy 1998 jyly salynǵan. Ǵımarat Ál-Farabı dańǵylyndaǵy 71/24 meken jaıda ornalasqan.
5. Tuńǵysh Perzıdent parkiniń saltanatty qaqpasy, ondaǵy monýmentter 2011 jyl salynǵan. Tarıhı-mádenı eskertkish Muhamed Haıdar Dýlatı kóshesinde ornalasqan.
6. «Almaty Arena» muz qalashyǵy 2016 jyly salynǵan. Jańa ǵımarat Alǵabas yqsham aýdanynda ornalasqan.
Eske sala ketsek, buǵan deıin qaladaǵy Túrksib aýrýhanasy qalanyń sáýlet eskertkishteri qataryna qosylatynyn jazǵan edik.
Foto: photogoroda.com
