«Habar» arnasynyń merekelik efıri
ASTANA. QazAqparat - 1 jeltoqsan - Tuńǵysh Prezıdent kúnine oraı «Habar» telearnasy kórermenderine birneshe áleýmettik mańyzdy jobalar men merekelik baǵdarlamalar, kórkem jáne derekti fılmder ázirledi.
30 qarasha kúni saǵat 21.30-da «Morskıe vorota strany» derekti fılmi kórermen nazaryna usynylady. Týyndyda saýda-kóliktik qarym-qatynastardy damytýdy kózdeıditin teńiz salasy, sonyń ishinde Mańǵystaý oblysyndaǵy «Quryq» portynyń damýy sóz bolady.
«Jobanyń basty ıdeıasy kóptegen memleketterdiń, sonyń ishinde Qazaqstannyń jahandyq saýda-logıstıkalyq jobany qalyptastyrýdaǵy aýqymdy jumysyn kórsetý. Órkenıettiń qalyptasýynda Uly jibek jolynyń mańyzy erekshe boldy, bul tek saýda baılanysy emes, mádenı, saıası baılanysty nyǵaıtty, dala dıplomatııasyn qalyptastyrdy. Tarıhı jaǵdaılarǵa baılanysty bul baılanys úzlip qalǵan edi, endi Qazaqstan men Qytaı memleketteriniń usynysymen qaıta jandanýda. Eger buryndary bul jolmen turmystyq qajettilikter tasmaldanǵan bolsa, qazir Qazaqstan, Qytaı, Grýzııa, Túrkııa, Kaspıı teńizinen Jerorta teńizine aýyr júkter tasmaldanady. Al Jerorta teńizine shyǵý - bul búkil Eýropa aýmaǵyna shyǵý degen sóz. Fılmde osynaý mańyzdy máseleler kóterildi», - deıdi «Habar» telearnasy saraptamalyq baǵdarlamalar bóliminiń shef-redaktory Aleksandr Trýhachev.
Fılmniń túsirilim toby Qazaqstannyń batysy men shyǵysyndaǵy mańyzdy porttarǵa baryp, jumysymen, sonymen qatar Ázirbaıjan, Túrkııa elderindegi halyqaralyq kólik baǵytynyń jaǵdaıymen tanysty. Taǵy fılmde Qazastan men Qytaı memleketteri jasaǵan jumystar grafıka túrinde buqaraǵa túsinikti tilde kórsetilgen deıdi shyǵarmashylyq ujym.
1 jeltoqsan kúni saǵat 20.20-ǵa «Túrki áleminiń lıderi» dep atalatyn derekti fılm josparlanǵan. Munda Elbasy N.Nazarbaevtyń túrki álemindegi bedeli men memleketter arasyndaǵy dostyq qatynasty ornatýdaǵy orasan zor úlesi baıandalady. Memleket basshysynyń kóshbasshylyq qasıetteriniń arqasynda Qazaqstan búkil álemdik saıası arenada mańyzdy orynǵa ıe boldy, sonymen qatar beıbitshilik pen kelisimniń aıqyn kórinisin kórsete bildi.
Sonymen qatar «Vesna na Zarechnoı ýlıtse» (1 jeltoqsan, 14.45), «Balalyq shaǵymnyń aspany» (1 jeltoqsan, 16.15), «Elbasy joly. Otty ózen» (2 jeltoqsan, 15.45) fılmderi men Altynbek Qorazbaevtyń «Sálem saǵan, Astana!» shyǵarmashylyq keshi (1 jeltoqsan, 18.15), «Dos-Muqasan» tobynyń jańa kontserti (2 jeltoqsan, 22.40) efırge shyǵady.
