«Habar» arnasynyń dırektory qyzmetine Rınat Kertaev taǵaıyndaldy

ASTANA. QazAqparat - «Habar» arnasynyń damýyna úles qosyp kele jatqan Rınat Dýmanuly Kertaev arna dırektory bolyp taǵaıyndaldy. Bul týraly agenttiktiń baspasóz qyzmeti habarlady.

Búgin «Habar» Agenttigi» AQ ujymyna ony agenttiktiń basqarma tóraıymy Almagúl Aýǵalıqyzy Ahmetjanova tanystyrdy.  QR Investıtsııalar jáne damý mınıstrliginiń «Aqparat salasynyń úzdigi» tósbelgisiniń, «Daryn» memlekettik syılyǵynyń, TMD-niń Parlamentaralyq Assambleıasy Keńesi tósbelgisiniń, sondaı-aq QR Prezıdentiniń Granty syılyqtarynyń ıegeri Rınat Dýmanuly Kertaev 1983 jyldyń 23 sáýirinde Jambyl oblysynda dúnıege kelgen. Ál-Farabı atyndaǵy Qazaq Ulttyq ýnıversıtetinde «Qoǵammen baılanys» mamandyǵy boıynsha joǵary bilim alǵan.  Eńbek jolyn 2006 jyly «Habar» arnasynda qazaq tilindegi oıyn-saýyqtyq baǵdarlamalardyń prodıýseri retinde bastady.  2010-2011 jyldary jańalyqtar bóliminde redaktor-taldamashy qyzmetin atqardy.  2011 jyly «Habar» arnasy baǵdarlamalar dırektsııasynyń bas prodıýseri laýazymyna taǵaıyndaldy.