«Habar» arnasy «Tańqaldyrǵan Jańa jyl» baǵdarlamasyn usynady
ASTANA. QazAqparat - Jańajyldyq keshte ár adam tosyn syı kútip, ǵajaıypqa senedi. Bul kúnderi barlyǵymyz bir-birimizge syılyqtar alyp, jaqsylyq jasaýǵa umtylamyz. «Habar» agenttiginiń ujymy da, óz kórermenderine syı daıyndap jatyr, dep habarlady www.khabar.kz.
Merekelik keshti án-kúısiz elestetý múmkin emes desek, kórermen tamashalaıtyn jańajyldyq baǵdarlamanyń erekshe bolatyny anyq. «Habar» arnasynan 31 jeltoqsanda túngi saǵat 00.00-ge deıin kórsetiletin baǵdarlama «Tańqaldyrǵan Jańa jyl» dep atalady. Bul shara retro stılde ótpek. «Habar» agenttiginiń 20 jyldyǵyna oraı uıymdastyrylǵan keshte, 90-jyldardyń ortasynan el aýzynda qalǵan tanymal ánder shyrqalady.
«Habar» 2015 jyldyń alǵashqy baǵdarlamasyn «Ǵajaıyp tún» dep atady. Keshte 2014 jyldyń eń úzdik ánderi shyrqalady.
