«Habar» arnasy Eurovision án baıqaýyn tikeleı efırde kórsetedi
ASTANA. QazAqparat - «Habar» arnasy Eurovision án baıqaýyn tikeleı efırde kórsetedi. Alǵashqy jartylaı fınal búgin túngi saǵat 01:00-de tikeleı efırden beriletin bolady, dep habarlaıdy 24.kz telearnasy.
Al 60 jyldyǵyn atap ótetin baıqaýdy jylda 180 mıllıonnan astam ónersúıer qaýym tamashalaıdy. Olardyń qatarynda «Habar» arnasynyń kórermenderi de bar. Óıtkeni, respýblıkalyq arna jyl basynan beri eýropalyq habar taratý odaǵynyń qaýymdasqan múshesi atandy.
Taǵy bir jańalyq, án baıqaýy endi eýropalyq qatysýshylarmen ǵana shektelmeıdi.
«Bıylǵy jobanyń ereksheligi, osy jyldan bastap tek Eýropaǵa ǵana emes, Amerıkaǵa da taralady. Byltyrdan bastap Avstralııa qatysyp jatyr. Baıqaýǵa qatysýǵa Qazaqstannyń da bolashaqta múmkindigi bar», deıdi tele-radıo júrgizýshi Qaldybek Jaısanbaı.
