«Habar» agenttiginiń tapsyrysymen túsirilgen fılm TEFI syılyǵyna ıe boldy
NUR-SULTAN. QazAqparat - «Habar» agenttiginiń tapsyrysymen túsirilgen «Shestoı post» fılmi «TEFI-Sodrýjestvo» baıqaýynyń syılyǵyna ıe boldy, dep habarlaıdy Habar24kz.
«TEFI-Sodrýjestvo» baıqaýynyń syılyǵyn tabystaýdyń saltanatty rásimi alǵash ret Kıshınevte ótti. Kórkem fılmde budan 9 jyl buryn Mańǵystaý oblysynda bolǵan qaıǵyly oqıǵa jaıly baıandalǵan. Bul bolǵan oqıǵanyń izimen túsirilgen fılm. 2010 jyldyń 22 maýsymy. Mańǵystaý oblysy GM 172/1 túzeý kolonııasynan jat aǵymnyń jeteginde ketken 21 tutqyn qashpaq bolady.
Olardy alyp ketýge muzdaı qarýlanǵan ondaǵan adam men birneshe kólik túrme syrtynda kútip turady. Alaıda qaraýylda turǵan sarbaz qashqyndardy baıqap qalyp, qylmyskerlerdiń sytylyp ketýine jol bermeıdi.
