«Habar» Agenttigine jańa basshy taǵaıyndaldy

ASTANA. QazAqparat - «Habar» Agenttigi» AQ Basqarma tóraıymy laýazymyna Basqarma Tóraǵasynyń birinshi orynbasary qyzmetin atqaryp kelgen Almagúl Ahmetjanova taǵaıyndalǵandyǵyn «Habar» agenttigi habarlaıdy.

2016 jylǵy 18 mamyr kúni Qazaqstan Respýblıkasy Aqparat jáne kommýnıkatsııalar mınıstri Dáýren Abaev «Habar» Agenttigi» AQ ujymyna jańa basshyny tanystyrdy.

Almagúl Ahmetjanovaǵa deıin osy laýazymda bolǵan Aıdos Úkibaı 2016 jylǵy 16 mamyrda Memleket basshysynyń ókimimen QR Prezıdentiniń baspasóz hatshysy bolyp taǵaıyndalǵan bolatyn.

Almagúl Aýǵalıqyzy Ahmetjanova 1975 jylǵy 4 jeltoqsanda Almaty qalasynda dúnıege kelgen. QazMUÝ 1998 jyly «Áleýmettaný» mamandyǵy boıynsha támamdaǵan. Magıstr dárejesi bar.

Almagúl Ahmetjanova Agenttiktegi óz eńbek jolyn 1999 jyly redaktor jáne prodıýser laýazymynda bastady. 2002 - 2004 jyldary baǵdarlamalar dırektsııasynyń jetekshisi, 2005 - 2011 jyldary baǵdarlamalar dırektsııasynyń dırektory, 2012 jyldan bastap kúni búginge deıin - Basqarma Tóraǵasynyń birinshi orynbasary laýazymynda qyzmet etti.

«Habar» Agenttigi» AQ - medıa holdıngi 1995 jyly quryldy jáne Qazaqstanda jáne shet elde qazaq, orys jáne aǵylshyn tilderinde habar taratatyn «Habar» arnasy, jerseriktik arna «Kazakh TV», táýlik boıy aqparat taratatyn arna «24 KZ» jáne mádenı-aǵartýshylyq arna «Bilim jáne Mádenıet» atty tórt arnadan turady.