«Habar» agenttigi halyqaralyq kórmege qatysýda
ASTANA. QazAqparat -Kann qalasynda «MIPCOM» halyqaralyq kórmesi ótip jatyr, dep habarlaıdy QazAqparat.
Іs-sharada álemniń kóptegen elderiniń telekompanııalary óz jobalaryn usynýda. Osy jıynǵa «Habar» agenttigi de óz jobalarymen, kórkem fılmder, serıaldar men derekti týyndylar, Qazaqstan týraly týrıstik baǵdarlamalarymen arnaıy qabyrǵa daıyndap, qatystyrýshylarǵa tanystyrylýda. Sondaı-aq kórme sheńberinde «Habar» Agenttiginiń Discovery arnasymen birigip túsirgen 2 jobasy usynylady. Olar - «Discovery Atlas» atty derekti fılmder toptamasy men Qazaqstannyń óndirisi, mádenıeti men týrızmi jaıly «How It's Made» baǵdarlamasy.
Discory Atlas - ár túrli elder men halyqtardyń qıyndyǵy men qýanyshy qatar júretin kúndelikti turmys-tirshiligin, salt-dástúri men mádenıeti týraly baıandaıtyn Discovery arnasynyń derekti fılmder toptamasy.
How It's Made jobasy - alǵash 2001 jyly jaryq kórgen, onda turmysqa qajetti zattar men ónimderdiń daıyndalý protsesin, óndiris oshaqtarynyń jumysyn baıandaıtyn derekti fılm.
