«Habar» agenttigi» aktsıonerlik qoǵamyna - 15 jyl

Agenttiktiń tarıhy 1995 jyly bastaldy. Ol Qazaq TV aqparattyq qyzmeti negizinde quryldy, bastapqy ataýy - Ulttyq Televızııalyq Aqparattyq Agenttigi (UTAA) boldy. Qazir ol qazaq jáne orys tilderinde taraıtyn, shamamen 13 mıllıon kórermeni bar eldegi aldyńǵy qatardaǵy ulttyq arna. Kompanııada 600-den astam adam jumys isteıdi. Habar taratýda jańalyqtarǵa basymdylyq beriledi. Aqparatty berýdiń negizgi ustanymdary - jyldamdyq, sonylyq, tolyqqandylyq pen obektıvti kózqaras. Aqparattyq baǵdarlamalar efır ýaqytynyń úshten bir bóligin alady. Aqparattyq baǵdarlamalar dırektsııasynda eki júzden astam qyzmetker bar. Aqparat Qazaqstandaǵy 14 jáne TMD elderindegi tórt jeke menshik tilshiler bóliminen jınalady. Óz reportajdary Soltústik jartyshardyń negizgi 12 elinen de ázirlenedi. Osynyń arqasynda, Agenttik aýqymy Qazaqstannyń ózge aqparattyq kompanııalaryna qol jetýi qıyn tilshiler júıesine ıe. Osyǵan qaramastan, «Habar» sheteldik menshikti tilshiler qosyndaryn josparly túrde kóbeıtip keledi. Óz aqparattarymen qatar kompanııa áriptestik baǵdarlamalar aıasynda álemdegi aldyńǵy qatarly aqparattyq agenttikter ónimderin de paıdalanady. Agenttiktiń sondaı-aq pýblıtsıstıkalyq, mýzykalyq, sporttyq jáne ózge de baǵdarlamalary jaqsy tanymal. Arna usynatyn televızııalyq serıaldar, derekti jáne kórkem fılmder reıtıng boıynsha eń joǵary orynda tur. Repertýarynda elıtarly kınodan bastap, keń taralymǵa ıe blokbasterlerge deıingi janrlar qamtylǵan. «Habar» - Álemdik deńgeıdegi sport jarystaryn tikeleı efırden kórsetetin eldegi jalǵyz telearna. Agenttiktiń tehnıkalyq bazasy mańyzdy saıası jáne mádenı aktsııalardy oqıǵa ornynan tikeleı taratýdy júzege asyrýǵa múmkindik beredi.

Agenttiktiń bólimsheleri «CaspioNET» spýtnıktik arnasy - Eýropa, Ortalyq Azııa, Orta Shyǵys pen Afrıkanyń soltústik bóligin qamtıtyn táýliktik aqparattyq arna. «CaspioNET»-tiń boljamdy kórermenderiniń sany - 99 mıllıon adam. Habar taratýda jańalyqtarǵa basymdyq beriledi. Habarlar qazaq, orys jáne aǵylshyn tilderinde daıyndalady.

«EL arna» telearnasy - televızııalyq oıyn-saýyqtyq arna, boljamdy aýdıtorııasy - toǵyz jarym mıllıon adam. Habarlar qazaq jáne orys tilderinde beriledi. Habar taratýda kórkem fılmder, teleserıaldar, tanymdyq jáne mádenıettanýshylyq baǵdarlamalarǵa basymdylyq beriledi.

«Habar» radıosy - Qazaqstandaǵy eń tanymal radıolardyń biri. Habar taratýda aqparattyq jáne mýzykalyq baǵdarlamalarǵa basymdylyq beriledi. Habarlar qazaq jáne orys tilderinde júredi.

«www.khabar.kz» ınternet-portaly - eldegi jáne álemdegi mańyzdy oqıǵalarǵa baılanysty aqparattar usynady. Kún saıyn jańartylyp otyrylady. Saıt paraqtarynan Agenttik jóninde tolyq aqparat alýǵa bolady.

Júldeler:

Telearna men onyń ónimderi, sondaı-aq Agenttik qyzmetkerleri ulttyq jáne halyqaralyq deńgeıde kóptegen kásibı marapattar alǵan. 2003 jyly «Zolotaıa arka Evropy» baıqaýynda Agenttik «Sapa jáne tehnologııa» atalymy boıynsha júlde aldy. Dırektsııa jýrnalısteriniń jumystary EMMÚ televızııalyq júldesine usynylǵan, al reportajdardyń biri «Zolotoı glagol» (Reseı) baıqaýynda bas júlde aldy. Qyzmetkerler men sport redaktsııasynyń habarlary joǵarǵy deńgeıdegi halyqaralyq (TMD) kásibı júldelermen marapattalǵan. «Bolashaq qalasy» atty jastarǵa arnalǵan baǵdarlama Japonııada ótken halyqaralyq festıvalda álemniń eń úzdik baǵdarlamalary ondyǵyna endi. Web-saıttardyń «Award-2003» Qazaqstan ınternet-júldesi» atty alǵashqy qazaqstandyq baıqaýynyń qorytyndysy boıynsha Agenttik saıty «Dástúrli BAQ-tyń elektrondy nusqalary» atalymynda úzdik dep tanyldy. Qazaqstan Respýblıkasy Úkimetiniń 2008 jyldyń 3 shilde № 668 qaýlysyna sáıkes «HABAR» agenttigi» AQ, «Arna Medıa» UAH AQ quramyna endi. Halyqaralyq kásibı uıymdarǵa qatysý «Habar» agenttigi Azııa-Tynyq muhıt habar taratý keńesi (ABU), Azııa-Tynyq muhıt jańalyqtar agenttikteri uıymdary (OANA), Azııa-Tynyq muhıtynyń Habar taratýyn Damytý Instıtýty (AIBD) quramyna enedi. Agenttiktiń iri aktsııalary Eýrazııalyq Medıa Forým - jyl saıyn ótetin kásibı medıa oqıǵa, ol jerde eýrazııalyq jáne tutas qurlyq jýrnalısteri qoǵamdastyǵynyń eń ózekti máseleleri talqylanady. Forým jumysyna AQSh jáne Eýrazııanyń jetekshi BAQ ókilderi, sondaı-aq iri saıası qaıratkerler turaqty túrde qatysady. EAMF-ǵa qyzyǵýshylyq jyldan jylǵa ósip keledi. «Almaty - meniń alǵashqy mahabbatym» retro-festıvali - jyl saıyn ótetin mýzykalyq festıval, ol Qazaqstannyń eń úlken qalasynda jáne jalpy elde jıyrmasynshy ǵasyrdyń ekinshi jartysynda qalyptasqan erekshe mádenı ahýaldy zamandastar jadynda saqtap qalýdy kózdeıdi. OANA-daǵy belsendilik - 2002 jyly Agenttik Almatyda OANA Dırektorlar keńesiniń HHІІІ májilisiniń ótýin jáne OANA Tehnıkalyq Sarapshylary Tobynyń XVII májilisiniń ótýin qamtamasyz etti. EMMY - 2002 jyly Agenttik negizinde «Jańalyqtar sıýjeti» sanaty boıynsha baıqaýdyń Azııa-Afrıka kezeńi ótti.