«Habar» Agenttigi» AQ-da jańa taǵaıyndaýlar
ASTANA. 14 maýsym. QazAqparat - «Habar» Agenttigi» AQ-nyń ujymyna basqarma tóraǵasynyń orynbasarlary tanystyryldy, dep málimdedi «Habar» Agenttigi» AQ qoǵammen baılanys jáne marketıng departamentiniń baspasóz qyzmeti.
«Habar» Agenttigi» AQ basqarma tóraǵasynyń birinshi orynbasary qyzmetine Almagúl Ahmetjanova taǵaıyndaldy, basqarma tóraǵasynyń orynbasarlary bolyp Aıgúl Jumabaeva men Temirlan Nurǵısaev taǵaıyndaldy.
Buǵan deıin basqarma tóraǵasynyń birinshi orynbasary qyzmetine Qanat Saharııanov taǵaıyndalǵan bolatyn, ol 2012 jyldyń 5 maýsymynda «Qazmedıa ortalyǵy» Basqarý kompanııasy» JShS-niń bas dırektory boldy.
Basqarma tóraǵasynyń birinshi orynbasary qyzmetine taǵaıyndalǵan Almagúl Ahmetjanova buǵan deıin basqarma tóraǵasynyń orynbasary boldy. Almagúl Ahmetjanova óziniń eńbek jolyn 1999 jyly «Habar» Agenttigi» AQ-da qyzmet jasaýdan bastaǵan. 2004 jyldyń aqpan aıynan 2011 jyldyń shilde aıyna deıin baǵdarlamalar dırektsııasyn basqardy. 2011 jyly basqarma tóraǵasynyń orynbasary qyzmetine taǵaıyndalǵan, basqarma múshesi etip saılandy.
Basqarma tóraǵasynyń orynbasarlary qyzmetine Aıgúl Jumabaeva men Temirlan Nurǵısaev taǵaıyndaldy.
Aıgúl Jumabaeva óziniń eńbek jolyn 1981 jyly QazKSR televızııa jáne radıohabar boıynsha Memlekettik komıteti baǵdarlamalar bas dırektsııasynan bastady. 1986 jyldan 1997 jylǵa deıin «Qazaqstan» respýblıkalyq telekorporatsııasynda jumys istedi. 1997 jyldan 2001 jylǵa deıin «Radıosıtı» TRK-ny basqardy. 2003 jyldan bastap «Habar» Agenttigi» AQ-da jumys isteı bastady. 2004 jyldyń naýryz aıynan 2006 jyldyń mamyr aıyna deıin baǵdarlamalar dırektsııasy dırektorynyń orynbasary; 2006 jyly «Caspionet» arnasynyń dırektory boldy.
Temirlan Nurǵısaev buǵan deıin «Qazaqstandyq memlekettik-jekemenshik áriptestik ortalyǵy» AQ basqarma tóraǵasynyń orynbasary boldy. Óziniń eńbek jolyn 2002 jyly «Qazger-Munaı» BK JShS-de qyzmet etýden bastady. 2004 jyldan 2006 jyldar aralyǵynda QR bıýdjettik josparlaý jáne ekonomıka mınıstrliginde jetekshi maman, bas maman bolyp jumys jasady. 2006-2007 jyly QR statıstıka agenttigi tóraǵasynyń keńesshisi boldy. 2007 jylyń sáýir aıynan bastap QR Qarjy mınıstrliginde basqarmasy basshysy laýazymyn atqardy. 2007 jyldyń tamyz aıynan 2008 jylǵa deıin QR bıýdjettik josparlaý jáne ekonomıka mınıstrliginde ishki ákimshilik departamentiniń dırektor orynbasary boldy. 2008 jyldan bastap «Qazaqstandyq memlekettik-jekemenshik áriptestik ortalyǵy» AQ basqarma tóraǵasynyń orynbasary qyzmetinde eńbek etti.
«Habar» Agenttigi» AQ basqarama tóraǵasy Aıdos Úkibaev bolyp tabylady.
