Habar 24 arnasy «Tumar» ulttyq báıgesiniń arnaıy syılyǵyn jeńip aldy

NUR-SULTAN. QazAqparat – Aqparat jáne qoǵamdyq damý mınıstri Aıda Balaeva «Habar 24» arnasyna «Tumar» ulttyq televızııalyq báıgesiniń arnaıy syılyǵyn tabystady, dep habarlaıdy QazAqparat tilshisi.

«Bul syılyqty men óte úlken qýanyshpen jarııalaımyn. Sebebi táýlik boıy, karantın kezinde de, qazir de bul arna elge úzdiksiz aqparat taratyp keledi. Al tótenshe jaǵdaı kezeńinde «Habar 24» el ishinde 384 saǵat, shetelde 19 saǵat tikeleı qosylym jasapty. Munyń barlyǵy - úlken ujymnyń tynymsyz eńbeginiń arqasy», - dedi Aıda Balaeva.

Eske sala keteıik, búgin «Tumar» ulttyq televızııalyq báıgesiniń bıylǵy jeńimpazdary belgili boldy.