H jazǵy Ýnıversıadasy: Aqtóbede «AQTÓBE RUN - 2019» ashyq marafony ótti
NUR-SULTAN. QazAqparat - Aqtóbede Jastar jyly men shahardyń 150 jyldyq mereıtoıyna arnalǵan jeńil atletıkadan «AQTÓBE RUN - 2019» ashyq respýblıkalyq marafony ótti. Marafonnyń erekshiligi oǵan basqa aımaq turǵyndary men múmkindigi shekteýli jandar da qatysýǵa múmkindik aldy.
Sharaǵa oblys ákimi Ońdasyn Orazalın qatysyp, sporttyq jarystyń qatysýshylaryn quttyqtady. Sondaı-aq, turǵyndardy salaýatty ómir saltyn nasıhattaýǵa shaqyrdy.
500-deı marafonshy qalanyń ortalyq kóshelerin 5 jáne 10 shaqyrym qashyqtyq boıynsha júgirip ótti.
Dúbirli doda barysynda ártúrli jas dárejesindegi sportshylar arasynda jeńimpazdar men júldegerler anyqtaldy. Olar dıplomdarmen jáne medaldarmen marapattaldy.
Aıta keteıik, atalmysh marafon bıylǵy jyldan bastap QR H jazǵy Ýnıversıadasynyń baǵdarlamasyna engizilip, Aqtóbe qalasynda alǵash ret ótkizilip otyr. Al jyl saıynǵy dástúrli marafon 8 maýsym kúni ótkiziledi dep josparlanyp otyr.
