Hıýstondaǵy sý tasqynynan hımııa zaýyty jarylýy múmkin
ASTANA. QazAqparat - «Harvı» daýylynan keıin kelgen tolassyz jaýyn-shashyn saldarynan Krosbıdegi Arkema zkompanııasynyń zaýytynda hımııalyq zattardy salqyndatqysh júıesi isten shyqqan. Kompanııa málimdemesine sáıkes, órttiń aldyn alý múmkin emes, dep habarlaıdy Bı-Bı-Sı agenttigi.
Arkema zaýyty ótken juma kúni, daýyl bastalmaı jatyp jumysyn toqtatqan.
Alaıda, toqtaýsyz jaýǵan nóser saldarynan onyń aýmaǵyn sý alyp (102 sm), elektrmen jabdyqtaý jelisi úzildi, dep habarlaıdy kompanııa. Tok beretin rezervtik generatorlardy da sý basqan.
Zaýyt organıkalyq peroksıdterdi shyǵarýmen aınalysady jáne onda saqtalyp turǵan hımıkattar joǵary temperatýrada qaýip tóndiredi.
«Endi ondaǵy hımııalyq zattar jarylyp, alyp órt shyǵarýy múmkin, - dep keltiredi Reıter agenttigi kompanııasynyń basshysy Rıchard Roýerdiń sózin. - Aýmaqtaǵy sý deńgeıiniń joǵary bolýy, sondaı-aq jaryqtyń bolmaýy munyń aldyn alýǵa múmkindik bermeı otyr».
Harvı daýylynan kem degende 25 adam qaza tapqan.
