H.Rompeı 2014 jylǵa deıin Eýroodaq basshysy bolyp qaıta saılandy
BRıÝSSELЬ. 2 naýryz. QazAqparat - Eýroodaqqa múshe 27 eldiń memleket jáne úkimet basshylarynyń Brıýsselde ótip jatqan sammıti barysynda Eýropalyq Odaqtyń (EO-nyń joǵarǵy organy) qazirgi tóraǵasy Herman Rompeıdiń mandaty 2012 jyldyń 1 maýsymynan bastap 2014 jyldyń 30 qarashasyna deıin uzartyldy.
Aıta keteıik, H.Rompeı birtutas eýropalyq qurylymnyń tarıhynda birlesken Eýropanyń birinshi basshysy bolyp tabylady. Bul týraly EO Keńesiniń baspasóz qyzmetinen málim etti.
Eýropalyq organnyń habarlamasyna sáıkes, atalmysh merzimde H.Rompeıge, sondaı-aq búgingi kúni birtutas eýropalyq qurylymnyń 17 elinen turatyn - eýroaýmaq sammıtterine tóraǵalyq etý mindeti júkteldi. Atalmysh is-sharalardyń otyrystary jylyna kem degende eki ret ótip turady.
Eske salaıyq, Lıssabon kelisimine sáıkes, 2010 jyldyń 1 qańtarynan bastap Eýroodaqta EO basshysynyń laýazymy engizilip, oǵan Belgııanyń burynǵy premer-mınıstri Herman Van Rompeı saılandy. Eýropalyq Odaq Keńesiniń tóraǵasy bolý úshin ol Belgııanyń federaldyq úkimetiniń basshysy laýazymynan ketti.
