H.Qoja-Ahmet memlekettik tildi erkin meńgergen - lıngvıstıkalyq komıssııa
«Hasen Kárimjanuly Qoja-Ahmet myrzanyń memlekettik tilden tapsyrǵan emtıhanynyń nátıjesin jarııalaıyq dep otyrmyz. Ózderińiz biletindeı, dástúrli úsh suraq boldy. Birinshi, jazba jumysynda «Konstıtýtsııa - turaqty damý kepili» taqyrybynda shyǵarma jazdy. Hasen Káribjanuly ony jaqsy, saýatty jazdy dep aıta alamyz. 4 qate ketken eken. 1-eý emle, 1-eýi stıldik, 2-eýi tynys belgisinen. Biz jaqsy baǵalap otyrmyz», - dedi QR Prezıdenttigine kandıdattardyń memlekettik tildi erkin meńgergendigin anyqtaý jónindegi lıngvıstıkalyq komıssııa tóraǵasy Myrzataı Joldasbekov.
Ekinshi synaqta úmitker І.Esenberlınniń prozasynan úzindini mánerlep oqyp, komıssııa músheleriniń kóńilinen shyqqan.
«Úshinshi suraq - «Qazaq memlekettiginiń bastaýlary». Keıingi kezde Hasen Káripjanuly tarıhpen de tereń shuǵyldanyp júr. Birneshe kitap jazdy. Bul taqyrypqa da jaýap jaqsy boldy. Sondyqtan, lıngvıstıkalyq komıssııanyń sheshimi - Hasen Kárimjanuly Qoja-Ahmet memlekettik tildi erkin meńgergen», - dedi M.Joldasbekov.
