H.Qoja-Ahmet kezekten tys prezıdenttik saılaýǵa qatysý úshin OSK-ge ótinish berdi
Hasen Kárimjanuly Qoja-Ahmet 1949 jyly 9 tamyzda Almaty oblysy Aqsý aýdany Mataı kentinde dúnıege kelgen. Qazaqstan Jazýshylar odaǵynyń múshesi, jýrnalıst-pýblıtsıst, sazger, qoǵam qaıratkeri. 1972 jyly Almaty mýzykalyq ýchılışesin, 1993 jyly QazMUÝ-dy támamdaǵan. 1990-1993 jyly "Jeltoqsan" qoǵamdyq qozǵalysyn basqardy. Keńestik totalıtarlyq júıege, ult saıasatyndaǵy teńsizdikterge qarsylyq bildirip, 1977 jáne 1987 jyly saıası aıyppen sottaldy. Pýblıtsıstıka salasynda qalam tartyp, 200-den astam maqala jazdy. 300-ge tarta án men mýzykalyq aspaptarǵa arnalǵan 50 shaqty shyǵarmanyń avtory. 2000 jyly "Qurmet Belgisi" ordenimen marapattalǵan.
Aıta keteıik, búginde úmitkerlerdiń sany 24 adamǵa jetti. Onyń 22-si saılaýǵa ózin-ózi usynǵandar, al ekeýin, atap aıtqanda, N.Nazarbaevty «Nur Otan» partııasy, al T.Syzdyqovty Qazaqstannyń kommýnıstik halyq partııasy usynǵan. Qazirgi ýaqytta olardyń saılaý talaptaryna sáıkestigi tekserilip, keıbiri lıngvıstıkalyq komıssııaǵa synaq tapsyrý ústinde. Máselen, 8 úmitkerdi tirkeýden bas tartyldy. Olardyń 2-eýiniń jasy Konstıtýtsııaǵa sáıkes saılaýǵa túsý jasyna tolmaǵan. 6-ýy lıngvıstıkalyq komıssııa synaǵyn tapsyra almady. 4 adam lıngvıstıkalyq komıssııa synaǵyn tapsyrdy. Olardyń saılaý talaptaryna sáıkestigi tekserildi. Olar qazirgi ýaqytta senimdi tulǵalaryn tirkep, qol jınaýmen aınalysýda.
