H KAZENERGY Eýrazııalyq Forýmynyń jańa spıkerleriniń esimderi belgili boldy
ASTANA. QazAqparat - Bolgarııanyń Energetıka mınıstri Temenýjka Petkova, RF Úkimetiniń tóraǵasy (2007-2008), «Gazprom» BAQ Dırektorlar keńesiniń tóraǵasy Vıktor Zýbkov, PetroChinaCompanyLimited vıtse-prezıdenti Lıýı Gýnsıýn jáne "VitolGroup» bas dırektory ıAn Teılor 29 qyrkúıek -1 qazan aralyǵynda Astanada ótetin eń iri dıalog alańynda sóz sóıleıtin bolady.
Vıktor Zýbkov alda kele jatqan Forýmnyń negizgi sessııalaryna qatysady. Resmı Máskeý aımaqtaǵy kórshiler arasynda teń quqyly qatynastardy qurý úshin Energetıkalyq damýdy josparlaý jáne jobalaý jónindegi Eýrazııalyq ortalyqty qurýdy usynyp otyr. Osyǵan oraı naryqtyń basqa da qatysýshylarynyń Forýmnyń «Energııa qorlary geosaıası ózara qatynastardyń basty nazarynda» atty arnaıy sessııasynda aıtatyn pikirleri qyzyǵýshylyq týdyrýda.
Ótken jyldaǵy sáıkesinshe kezeńmen salystyrǵanda 2015 jyldyń 1-jartyjyldyǵynda túsirgen paıdasy 2,7 esege tómendegen PetroChinaCompanyLimited kompanııasynyń vıtse-prezıdenti Lıýı Gýnsıýn Forýmda álemdik energetıkanyń damýyna qatysty jahandyq boljamdarǵa, energetıkany modeldeýdiń tıimdi ári sapaly quraldaryn jasap shyǵarýǵa jáne t.b. máselelerge arnalǵan paneldik sessııalarǵa qatysady.
KAZENERGY-dyń mereıtoılyq forýmy osyǵan deıin málimdelgendeı «Jańa energetıka kókjıekteri: yntymaqtastyq jáne ınvestıtsııalar keleshegi» taqyrybyna arnalatyn bolady. Forýmda qazirgi zamandaǵy energetıkalyq jáne saıası salanyń kún tártibinde turǵan eń aıtýly degen barlyq oqıǵalar, munaı-gaz jáne energetıkalyq naryqtaǵy ózgerister kóteriletin bolady. Integratsııalyq úderister, uzaq merzimdi saýda-ekonomıkalyq jáne energetıkalyq seriktestikti qalyptastyrý, jahandyq energetıkalyq turaqtylyqty ásirese Eýropa men Azııanyń aımaqtarynda qamtamasyz etý máseleleri keńinen qarastyrylatyn bolady.
Sonymen qatar, Forýmǵa QR Premer-Mınıstri Kárim Másimov, Frantsııa premer-mınıstri (2007-2012) Fransýa Fııon, BUU bas hatshysynyń arnaıy ókili jáne Barlyǵyna arnalǵan turaqty energetıka jónindegi bastamanyń (SE4All) bas dırektory d-r Kande K. ıÝmkella, Dúnıejúzilik munaı keńesiniń prezıdenti Iozef Tot, Halyqaralyq gaz odaǵynyń bas hatshysy Pol Rasmýssen sekildi taǵy da basqa memleketter men mekemelerdiń basshylary, ulttyq jáne halyqaralyq energetıkalyq kompanııalardyń top-menedjerleri kelmek.
