«H. Erǵalıǵa 100 jyl» eskertkish monetalary aınalysqa shyqty

Hamıt Erǵalı - qazaq aqyny, Qazaq KSR-nyń halyq jazýshysy. Otan soǵysynyń 1-shi jáne 2-shi dárejeli ordenderimen, eki Eńbek Qyzyl Tý ordenimen, «Qurmet belgisi» ordenimen, basqa da ordendermen jáne medaldarmen nagradtalǵan. 

Ulttyq banktiń baspasóz qyzmetinen habarlaǵandaı, monetalardyń bet jaǵynda (aversinde) joǵary bóliginde Qazaqstan Respýblıkasynyń eltańbasy beınelengen. Eltańba beınesiniń oń jaǵynda «QUB» abbrevıatýrasy bar. Tómengi bóliginde monetanyń nomınalyn bildiretin «100 TEŃGE» degen jazba ornalasqan. Nomınaldyń sol jáne oń jaǵynda ulttyq oıý-órnek elementi beınelengen. Aınaldyra memlekettik tilde «QAZAQSTAN ULTTYQ BANKІ» dep jazylǵan.

Monetalardyń syrt jaǵynda (reversinde) Hamıt Erǵalıdyń beınesi, memlekettik tilde «HAMIT ERǴALI» degen jazý, onyń faksımılesi, «100 JYL» degen jazba jáne soǵylǵan jylyn bildiretin «2016» degen san ornalastyrylǵan.

 

Monetalardyń bet jaǵyndaǵy jáne syrt jaǵyndaǵy beıneler men jazýlar bederlengen. Aınaldyra shyǵyńqy jıek. Qyry (gýrty) bederli.

Monetalar neızılber qospasynan jasalǵan, dıametri - 31 mm, massasy - 11,17 g, taralymy - 100 myń dana.

Nomınaly 100 teńgelik eskertkish monetalar Qazaqstan Respýblıkasynyń búkil aýmaǵynda kórsetilgen qunymen tólemniń barlyq túrleri boıynsha, sondaı-aq bank shottaryna esepteý úshin jáne aýdarý úshin qabyldanýǵa mindetti, Qazaqstan Respýblıkasynyń barlyq bankterinde shekteýsiz usaqtalady jáne aıyrbastalady.

Eskertkish monetalardy «Qazaqstan Respýblıkasy Ulttyq Bankiniń Qazaqstan teńge saraıy» sharýashylyq júrgizý quqyǵyndaǵy respýblıkalyq memlekettik kásiporny daıyndaǵan.

Monetalardyń dızaıny Qazaqstan Respýblıkasy Prezıdentiniń 2003 jylǵy  25 qyrkúıektegi № 1193 Jarlyǵymen bekitilgen Qazaqstan teńgesi - ulttyq valıýta banknottary men monetalary dızaınynyń tujyrymdamasyna sáıkes ázirlengen.

Eskertkish monetalardyń alty myń danasy jaqsartylǵan sapamen daıyndalǵan jáne satý úshin arnaıy plastıkalyq termovakýýmdy oraýǵa salynǵan.