H.Bókeeva atyndaǵy BQO teatrynda «Muqaǵalı, Nurǵısa» dramasy qoıylmaq
ORAL. QazAqparat - H.Bókeeva atyndaǵy Batys Qazaqstan oblystyq qazaq drama teatrynyń jańa, HHVІ maýsymy Iran-Ǵaıyptyń «Abaı» («Men ishpegen ý bar ma?..») rekvıemimen ashyldy, dep habarlaıdy QazAqparat tilshisi.
Qoıylymdy rejısser Muqanǵalı Tomanov sahnalaǵan bolatyn. Sýretshisi - Murat Mámbetov.
Bul spektaklde «myńmen jalǵyz alysyp», el-jurtynyń muńyn muńdap, joǵyn joqtaǵan Abaıdyń jan-dúnıesi kórinis tapqan.
Abaıdy Musaǵalı Bektenov somdasa, Qunanbaıdy Temirjan Mataev, Áıgerimdi Nurlygúl Jubatova shyǵardy. Sondaı-aq Jylqybaı Jubatov, Talıǵat Jigerov, Horlan Shamelova, Aıdar Jarylǵapov jáne basqa ártister sahnadan kórindi.
BQO mádenıet basqarmasynyń basshysy Qadyrbolat Musaǵalıevtiń aıtýynsha, H.Bókeeva atyndaǵy drama teatrynda ótken maýsymda jeti birdeı premera boldy. Sonyń ishinde jazýshy-dramatýrg Sábıt Dosanovtyń «Mánshúk» atty týyndysy Astananyń 20 jyldyǵyna oraı elordada da qoıyldy. Buryn negizinen tarıhı taqyryptaǵy shyǵarmalar sahnalanyp kelse, endi ánshi-kompozıtorlar, aqyn-jazýshylardyń ómiri kórermenderge usynylmaqshy. Mysaly, jýyrda Aq Jaıyqtan túlep ushqan, Q.Qýanyshbaev atyndaǵy memlekettik akademııalyq qazaq mýzykalyq drama teatrynyń rejısseri, Qazaqstannyń eńbek sińirgen qaıratkeri Nurlan Jumanııazov Nartaı Saýdanbekulynyń «Muqaǵalı, Nurǵısa» dramasyn qoımaqshy.
«Muqaǵalı, Nurǵısaǵa» aqyn ómiriniń sońǵy kezeńi arqaý bolǵan. Muqaǵalıdyń Nurǵısanyń úıinde bir aıdaı turyp, ekeýi birigip, ólmes týyndylardy dúnıege ákelgeni málim. Nurǵısanyń rolinde Qazaqstannyń eńbek sińirgen ártisi, Memlekettik syılyqtyń laýreaty Serdesh Qajymuratov oınasa, Muqaǵalıdy teatrdyń kórkemdik jetekshisi, Qazaqstannyń eńbek sińirgen qaıratkeri Erbol Esendosov shyǵarmaqshy. Premera qazannyń 24-inde bolady», - dedi QazAqparat tilshisine Nurlan Jumanııazov.
Aıta keteıik, bıylǵy jeltoqsanda H.Bókeeva atyndaǵy teatrdyń qurylǵanyna týra shırek ǵasyr tolady.
