H. Bekhojın - qazaq jýrnalıstıkasynyń irgetasyn bólip berip, ony ǵylym retinde qalyptastyrǵan tulǵa - B.Jaqyp
ATY. 5 naýryz. QazAqparat /Ádilet Musahaev/ - Keshe Ál-Farabı atyndaǵy Qazaq Ulttyq ýnıversıtetinde «Haıyrjan Bekhojın - qazaq jýrnalıstıkasy bilim men ǵylymnyń negizin salýshy» atty halyqaralyq ǵylymı-tájirıbelik konferentsııa ótti
Haıyrjan Bekhojınniń 100 jyldyq mereıtoıyna arnalǵan sharany Qazaqstan jýrnalıstıka Akademııasy,Ál-Farabı atyndaǵy Qazaq ulttyq ýnıversıteti Jýrnalıstıka fakýlteti uıymdastyrdy.
H.Bekhojın - ulttyq baspasózimizdiń tarıhy boıynsha tuńǵysh kandıdattyq jáne doktorlyq dıssertatsııalar jazdy. Doktorlyq dıssertatsııasyn 1964 jyly jaryq kórgen «Qazaq baspasóziniń damý joldary» atty monografııasy boıynsha daıarlap, ǵylymı baıandama túrinde qorǵady.
H.Bekhojınniń HІH ǵasyrdyń basynda jaryq kórgen tuńǵysh jýrnal «Aıqap» týraly jazylǵan zertteý eńbegi - keńes dáýirindegi ǵylymǵa qosylǵan úlken jetistikterdiń biri.
Bul kúnderi H.N.Bekhojınniń bastamasymen 1948 jyly qurylǵan Ál-Farabı atyndaǵy QazUÝ-dyń jýrnalıstıka tarıhy kafedrasynyń qurylǵanyna 63 jyl tolyp otyr. Kafedra 2010 jyldyń 1 qyrkúıeginen bastap Buqaralyq kommýnıkatsııanyń tarıhy men teorııasy dep atalady.
Haıyrjan Bekhojın qazaq jýrnalıstıkasyndaǵy birneshe urpaqty qalyptastyrdy, ustazdyq etti. Onyń óz bilimin keler urpaqqa jetkizgen tulǵa ekendigin búgingi konferentsııaǵa ustazǵa qurmet tanytyp kelgen barlyq tórtinshi bılik ókilderinen baıqaýǵa bolady. Fılologııa ǵylymdarynyń doktory, professor Baýyrjan Jaqyp óz sózinde alǵashqy jýrnalıstıka fakýltetiniń dekany bolǵan, qazaq jýrnalıstıkasynyń irgetasyn bólip bergen, jýrnalıstıkany ǵylym retinde qalyptastyrǵan tulǵa ekendigin atap ótti.
Jıyn barsynda Bekhojınder áýleti atynan arnaıy jýrnalıstıka fakýltetiniń stýdentteri Ábdiqova Jánııa, Ábdildaeva Aıdana men Abdýllaev Abdýlǵa Haıyrjan Nurǵojauly Bekhojın atyndaǵy shákirtaqy men qurmet gramotasy berildi.
