ǴZI-diń 500 mamany Qazaqstan Tarıhy murajaıynda qyzmet etetin bolady
ASTANA. 13 qazan. QazAqparat - Búgin QR Premer-Mınıstri Serik Ahmetov pen Astana qalasynyń ákimi Imanǵalı Tasmaǵambetov elordany damytý máselelerine arnalǵan keńeste Táýelsizdik dańǵyly men J. Nájimedenov kósheleriniń qıylysynda salynyp jatqan Qazaqstan Tarıhy murajaıynyń qurylys qarqynymen tanysty.
Ǵımarat 9,4 gektar aýmaqta ornalasqan 2 men 9 qabat aralyǵyndaǵy 7 bloktan turady. Munda ekspozıtsııa, qor muraǵaty, zerthana men qalpyna keltirý sheberhanalary bolady. Sonymen qatar, 250 oryndyq meıramhana, 300 oryndyq akt zaly, 60 oryndyq májilis zaly, 138 orynǵa arnalǵan kitaphana ornalasady. Munda 400 murajaı qyzmetkeri men Qazaqstan tarıhy ǴZI-diń 500 mamany qyzmet etetin bolady.
Murajaı qurylysy 2011 jyly qańtarda bastalǵan, jospar boıynsha 2013 jyly paıdalanýǵa berilmek. Jobanyń jalpy quny 35,4 mlrd. teńge.
