Ǵylymnyń jańa úlgisi memleket pen bıznestiń áriptestigine negizdelýge tıis - Memleket basshysy

ASTANA. QazAqparat - Ǵylymnyń jańa úlgisi memleket pen bıznestiń áriptestigine negizdelýge tıis. Bul týraly Memleket basshysy Qasym-Jomart Toqaev Ǵylym jáne tehnologııalar jónindegi ulttyq keńestiń otyrysynda aıtty, dep habarlaıdy QazAqparat Aqordanyń baspasóz qyzmetine silteme jasap.

«Ǵylym akademııasy Qazaqstandy turaqty ári jan-jaqty damytýǵa mol úles qosady dep senemin. Elimizdi ǵylymı-tehnologııalyq jaǵynan damytýǵa qatysty meniń negizgi paıymdarym – osy.

Toqsan aýyz sózdiń tobyqtaı túıini: ǵylymnyń jańa úlgisi memleket pen bıznestiń áriptestigine negizdelýge tıis. Osy tásil áleýmettik-ekonomıkalyq máselelerdi sheshýge múmkindik beredi dep oılaımyn.
Bul bizdiń Ádiletti Qazaqstandy qurý jolyndaǵy strategııalyq baǵdarymyzǵa tolyq saı keledi. Elimizde Qanysh Sátbaev, Álkeı Marǵulan sııaqty ǵulamalardyń jolyn qýǵan ǵalymdardyń jańa býyny shyǵatynyna nyq senimdimin», - dep túıdi sózin Qasym-Jomart Toqaev.