Ǵylymmen aınalysatyn akademıkterge ómir boıy aı saıyn stıpendııa berý máselesi sheshiledi – Toqaev
Bul týraly Memleket basshysy Qasym-Jomart Toqaev Ulttyq ǵylym akademııasynyń 75 jyldyǵyna arnalǵan saltanatty sessııada aıtty, dep habarlaıdy QazAqparat.
Prezıdentiń sózinshe, shyn máninde akademııanyń áleýeti jáne múmkindigi áldeqaıda zor.
«Búgingi ahýalyna qarap, Akademııanyń bolashaǵy bulyńǵyr dep sanaıtyndar, ókinishke qaraı, az emes. Tipti, akademıkterdiń ózderi de oǵan kúmánmen qaraıdy.
Álemdik tájirıbege kóz salsaq, mundaı qurylymdar eki túrli úlgide bolady. Olarǵa memlekettik mártebe beriledi nemese táýelsiz kommertsııalyq emes uıym retinde jumys júrgizedi.
Biz túrli jaǵdaıǵa baılanysty bir kezde ózgeshe joldy tańdaýǵa májbúr boldyq. Ulttyq ǵylym akademııasy kóptegen qoǵamdyq uıymnyń qataryna qosylyp ketti. Saldary qandaı bolǵanyn qazir kórip otyrmyz. Degenmen, onyń kadrlyq jáne ınstıtýttyq áleýeti áli de joǵary»,-ded Prezıdent.
Sondaı-aq ol akademıkter barynsha ashyq ári ádil saılanýy qajet ekenine toqtaldy.
«Jurt uıymǵa múshe bolý rásimderin jáne oǵan úmitkerlerdi tolyǵymen bilip otyrýǵa tıis. Ǵylymı qyzmetpen tikeleı aınalysatyn akademıkterge ómir boıy aı saıyn stıpendııa berý máselesi sheshiledi. Munyń bári Akademııanyń jumysyna tyń serpin berip, bedelin arttyrady. Sondaı-aq, elimizdegi ǵylym salasynyń turaqty damýyna jol ashady»,-dedi Qasym-Jomart Toqaev.
