Ǵylymı jobalarǵa arnalǵan granttyń jańa túrleri engizilmek

NUR-SULTAN. QazAqparat - 2020-2022 jyldarǵa arnalǵan ǵylymı jáne ǵylymı-tehnıkalyq jobalar boıynsha granttyq qarjylandyrýǵa eki konkýrs jarııalandy, dep habarlaıdy QR Bilim jáne ǵylym mınıstrliginiń baspasóz qyzmeti.

Konkýrsty Ǵylym komıteti ǵylymdy damytýdyń segiz basym baǵyty boıynsha irgeli jáne qoldanbaly ǵylymı zertteýler boıynsha jarııalady.

Granttyq qarjylandyrýdyń dástúrli túrlerimen qatar jańa túrleri de engizildi.

Birinshiden, jeke nemese bes adamǵa deıingi zertteý toptarynyń jekelegen ǵylymı mindetterdi sheshýine baǵyttalǵan, merzimi 12 aıǵa deıingi shaǵyn granttar.

Ekinshiden, sheteldik ǵalymdarmen jáne ǵylymı ujymdarmen yntymaqtastyq aıasynda iri ǵylymı máselelerdi sheshýge baǵyttalǵan 27 aı merzimge beriletin halyqaralyq kollaboratsııaǵa arnalǵan granttar.

Aıta keterligi, bıyl ǵylymı jobalarǵa arnalǵan granttardyń jańa túrleri qarastyrylǵan. Sonymen qatar, ǵylymnyń nátıjeli bolýyn arttyrý maqsatynda ǵylymı jetekshiler men ǵylymı jáne ǵylymı-tehnıkalyq jobalardan kútiletin nátıjelerge qoıylatyn talaptar da artty.

Konkýrstyq ótinimder 2020 jylǵy 11 mamyr men 26 maýsym aralyǵynda myna silteme boıynsha «UMǴTSO» AQ aqparattyq júıesi arqyly elektrondy túrde qabyldanady.