Ǵylymı jobalardy tájirıbelik, ónerkásiptik deńgeıge shyǵarýǵa 30 mln. dollar bólinedi - QR BǴM
ASTANA. QazAqparat - Ǵylymı jobalardy tájirıbelik, ónerkásiptik deńgeıge shyǵarýǵa 30 mln. dollar bólinedi. Bul týraly búgin Májilistiń jalpy otyrysynda QR Bilim jáne ǵylym mınıstri Aslan Sárinjipov málim etti. Eske salaıyq, jalpy otyrysta «Qazaqstan Respýblıkasy men Halyqaralyq qaıta qurý jáne damý banki arasyndaǵy Qaryz týraly kelisimdi (Ónimdi ınnovatsııalardy yntalandyrý jobasy) ratıfıkatsııalaý týraly» zań jobasy maquldanǵan bolatyn.
Bilim jáne ǵylym mınıstri Aslan Sárinjipovtiń aıtýynsha, ónimdi ınnovatsııalardy yntalandyrý jobasy birneshe quramdastardan turady. Onyń ishinde birinshi quramdas aıasynda 30 mln. dollar bólinedi, bul ınnovatsııalyq-engiziletin jobalardy qarjylandyrýǵa baǵyttalady. «Bul úshin júzge tarta jobalar iriktelip alynady. Qarjylandyrý somasy 4 myń dollardan bastalady bolady. Ondaǵy maqsat - ǵylymı jobalardy tájirıbelik, pılottyq, ónerkásiptik óndiristik deńgeıge shyǵarý. Jobalar JOO-lar, zertteý ınstıtýttary men ınnovatsııalyq kompanııalar arasynda ashyq konkýrstar negizinde irikteledi», - dedi mınıstr. Onyń aıtýynsha, táýelsiz irikteý men odan keıingi monıtorıngti qamtamasyz etý maqsatynda ǵylym men kommertsııalaý jónindegi halyqaralyq keńes qurylady, onyń quramyna bes sheteldik ǵalymdar men jergilikti ókilder kiredi. Al tehnıkalyq saraptamalar júrgizý jumystary Memlekettik ǵylymı-saraptamalyq ortalyq bazasynda júzege asyrylady.
