Ǵylymı jobalardy kommertsııalandyrýǵa irikteý úshin qandaı ózgeris kerek

ASTANA. QazAqparat - Kommertsııalandyrýǵa  ǵylymı jobalardy irikteý úshin bıznestiń qatysýymen jańa qurylym kerek. Bul týraly búgin Astanada tehnologııany kommertsııalandyrý taqyrybyna arnalǵan halyqaralyq forýmda Senat depýtaty Baqytjan Jumaǵulov málim etti, dep habarlaıdy QazAqparat.

«Kommertsııalandyrý men ary qaraı óndiristi ıgerý úshin jobalardy irikteý tıimdiligine erekshe nazar aýdarý kerek», - dep toqtaldy senator.

Onyń sózinshe, búginde irikteýdiń sońǵy kezeńine ulttyq ǵylymı keńester (UǴK) jumyldyrylǵan. Qazirgi kezde UǴK sheshimi mindetti oryndalatyn birden bir qoǵamdyq organ bolyp otyr.

«ıAǵnı, eger de UǴK sheshim shyǵarsa, ony múltiksiz oryndalýy kerek. Bul rette aıta keterligi, qoǵamdyq uıymnyń sheshimi mindetti túrde  oryndalatyn jaǵdaıdy álemde eshbir jerde taba almaısyzdar. Ǵylymda nátıje bolýyn talap etsek, onda ǵalymdarǵa erkindik berýimiz qajet. Alaıda osy jaǵdaıda  UǴK-nyń irikteýi durys emes dep sanaımyn.  Sońǵy sózdi ulttyq ǵylymı keńester emes, bıznes aıtýy tıis. Meniń oıymsha, bul úshin bıznes ókilderiniń belsendi qatysýymen jańa qurylym kerek. Ol óz kezeginde Ǵylym qory janynda qurylýy shart. Al UǴK ǵylymı salada óziniń jumysyn jalǵastyra bersin, ıaǵnı granttyq ári baǵdarlamalyq maqsatty qarjylandyrý baǵytynda jumys isteı berse de bolady», - dep toqtaldy senator.

B. Jumaǵulovtyń paıymynsha, Ǵylym qory bıznes ókilderiniń keńinen qatysýymen derbes túrde alǵa jyljýy tıis.

Budan buryn habarlanǵandaı, forým barysynda senator bıznes pen ǵylym qatysty qandaı kúdigi bolǵanyn aıtqan edi.