Ǵylymı zertteý: Daryndy balalardyń baǵy janbaı qalýyna ata-anasynyń tym kóp kóńil bólýi sebep bolady
ASTANA. QazAqparat - Sońǵy zertteýler nátıjesine sáıkes, talantty balalardyń kóbiniń taǵdyry ókinishti aıaqtalady eken. Atalǵan zertteýge 210 bala qatysyp, onyń 3%-y ǵana durys joldan taımaı, óz talantyn jetildire bilgen, dep jazady massaget.kz.
ıAǵnı, 210 balanyń ishinen tek 12-si ǵana ata-anasynyń úmitin aqtaǵandyǵyn professor Djoan Frıman dáleldedi.
6-7 jastaǵy balalardyń kóbisi erekshe potentsıalǵa ıe bolyp, artynsha bul qasıetinen tolyqtaı aıyrylady. Professor Frımen 1974 jyldan osy kúnge deıingi matematıka, óner jáne mýzyka salasyndaǵy talantty balalardyń ómirlik joly týraly málimet jınaǵan. Munymen qatar olardyń qasıetinen aıyrylýyna úlkender jiti qadaǵalaýynyń áseri bolǵandyǵy anyqtalǵan. Tipti, keıbir jaǵdaıda ata-analary olarǵa dostarymen sóılesýge tyıym salǵan nemese tym kóp kóńil bólgen eken.
Máselen, Endrıý Halıberton esimdi daryn ıesi nebary 8 jasynda orta mektep matematıkasyn meńgerip alǵan. Alaıda eseıgen shaǵynda JOO-ny tastap, Makdonaldske jumysqa turady. Sońǵy kezderi oqýǵa qaıta oralýdy jón kórip júr.
Osyndaı erekshe tulǵalar - Anna Marklend pen Djosemın Lavın ekeýi birge 11 jasynda Manchesterdegi Chetam mýzyka mektebinde bilim alady.
1982 jyly 46 jastaǵy Marklend «Jyl mýzykanty» júldesine qol jetkizedi. Artynsha Oksfordta bilim alǵan soń 2 jyl aspırantýrany jalǵastyryp, kásibı mýzykant atanady. Ol óziniń jumysynyń eń myqty mamandyq ekenin aıtady.
Al Lavınniń taǵdyry múldem ózgeshe. Ol mýzykadan bas tartyp, ǵylym jolyna túsedi. Munymen qatar joǵarydaǵy 210 balanyń ishinen bilim sapasyna baılanysty eń joǵarǵy kórsetkishke ıe bolǵan. Ókinishke oraı, budan keıin matematıkadan da bas tartyp, oqýdan shyǵady. Qartaıǵan shaǵynda 20 jyl matematıka pániniń muǵalimi bolyp qyzmet jasaıdy. Dál qazir úıiniń ıpotekasy tólenbegendikten, bank ony alyp qoıýy múmkin.
