Ǵylymı-tehnologııalyq forsaıt aıasynda baǵdarlama ázirleý bastaldy

dep habarlaıdy «Tehnologııalyq damytý jónindegi ulttyq agenttik» AQ basqarýshy dırektory Jumataı Sálimov pm.kz saıtyna bergen suhbatynda.

 «Bizdiń josparymyz - jyldyń sońyna deıin ár túrli qysylshań tehnologııalardy, sondaı-aq ınfraqurylymdardy daıyndaý  aspektilerin, kadrlardy daıarlaýdy jáne qajetti R&D  ótkizýdiń jan-jaqty jospary qamtylatyn 10 maqsatty tehnologııalyq baǵdarlamany ázirleý», - dedi Jumataı Sálimov.

Onyń atap ótýinshe, agroónerkásip kesheni, munaı-gaz salasy, taý-ken metallýrgııa salasy, aqparattyq-kommýnıkatsııalyq tehnologııa, hımıııa jáne balamaly energetıka salalary boıynsha baǵdarlamalardy ázirleýmen shuǵyldanatyn 10 jumys toby qurylyp ta qoıǵan.

Atalǵan tehnologııalar Koreıanyń KISTEP ǵylym men tehnologııany baǵalaý men josparlaý ınstıtýtymen birlesip ótkizilgen respýblıkalyq forsaıt zertteýlerdi júrgizgennen keıin anyqtalǵan strategııalyq tehnologııalar tiziminiń bir bóligi bolyp tabylady.

«Ótken jyly forsaıttyq zertteýler aıaqtalyp, 63 qysylshań tehnologııa anyqtalǵan, jan-jaqty talqylaý barysynda olardyń sany 7 negizgi sala boıynsha 75-ke deıin jetkizildi», - dedi «TDUA» AQ basqarýshy dırektory.

Maqsatty baǵdarlamalardy ázirleýge memleketpen qatar bıznes-qurylymdar da qatysyp jatqandyǵyn aıtqan ol: «Maqsatty tehnologııalyq baǵdarlamalar degenimiz, bul - memlekettiń, bıznes pen ǵylymnyń ózara árekettesýiniń úsh taǵany, ıaǵnı osy úsh tarap birlesip ár túrli qysylshań tehnologııalardy damytatyn bolady», - dedi.