Ǵylymı-tájirıbelik konferentsııada Prezıdent N.Nazarbaevtyń Joldaýynda belgilengen mindetter talqylandy

STANA. Aqpannyń 15-i. QazAqparat. Qazaqstan Respýblıkasy Prezıdentiniń janyndaǵy Qazaqstan strategııalyq zertteýler ınstıtýtynyń bastamasymen bolǵan ǵylymı-tájirıbelik konferentsııada Prezıdent N.Nazarbaevtyń Qazaqstan halqyna Joldaýynda belgilengen ulttyq básekege qabilettilikti, jedel ındýstrııalandyrý jáne ınfraqurylymdy damytý esebinen ekonomıkany turaqty órkendetýdi qamtamasyz etý mindetteri talqylandy.

Memlekettik organdardyń ókilderi, elimizdiń memlekettik jáne táýelsiz qurylymdarynyń jetekshi sarapshylary, joǵary oqý ornynyń oqytýshylary qatysqan jıyndaǵy talqylaý barysynda Parlament Senatynyń Halyqaralyq qatynastar, qorǵanys jáne qaýipsizdik komıtetiniń tóraǵasy Qýanysh Sultanov baıandama jasady.

Joldaýdyń strategııalyq mańyzyn atap óte kelip Q.Sultanov ındýstrııalyq-ınnovatsııalyq damý salasyndaǵy memlekettik saıasat basymdyqtaryna jınalǵandardyń nazaryn aýdardy.

«Ónimdi ózimiz jasap, ózine ózi jetkilikti ekonomıka qalyptastyrý úshin ekonomıka tetikterin jumys isteýge májbúrleý kerek»,-dep atap ótti senator.

Senatordyń aıtýynsha, «bıýdjetti shıkizat resýrstaryn satýdan emes, ekonomıkany ártaraptandyrý esebinen qalyptastyrý kerek. Sonda elimizdiń altyn-valıýta qoryn 100 mıllıard dollarǵa deıin ulǵaıtý mindetin oryndaýǵa bolady».

Shaǵyn jáne orta bızneske qatysty basymdyqtardyń mańyzdylyǵyn atap óte kelip Q.Sultanov memleket aldynda otandyq ekonomıkadaǵy osy sektordyń úlesin 40 paıyzǵa deıin jetkizý mindeti turǵanyn aıtty.

Ekonomıkalyq jáne saıası júıedegi reformalardyń tabysty bolýy áleýmettik salany nyǵaıta tústi. Osyǵan baılanysty senator bilim berý men densaýlyq saqtaý ınfraqurylymdaryn kórkeıtýge baǵyttalǵan memlekettik baǵdarlamalardyń aýqymdylyǵyn atap ótti.

Joǵary bilim berý júıesin damytý máseleleri senatordyń Qazaq memlekettik qyzdar pedagogıkalyq ınstıtýtynyń oqytýshylary jáne stýdentterimen kezdesýinde talqyǵa salyndy. Memleket basshysynyń el halqyna Joldaýynda alǵa qoıǵan mindetterdi aıta kelip Q.Sultanov mamandar daıarlaýdaǵy qazirgi zamanǵy tásilderdi engizýge de toqtaldy.

«Joǵary bilim berýdiń sapasy joǵary standarttarǵa jaýap bere alatyndaı bolýy tıis», dedi depýtat.