Ǵylymı nátıjesi ónerkásipte paıdalanylǵan ǵalymǵa roeltı jınaý múmkindigi berilmek

ASTANA. QazAqparat - Qazaqstan Úkimeti agrarlyq ǵylymdy jáne tehnologııalar transfertin damytý jónindegi jol kartasyn ázirleýi qajet. Bul týraly búgin Memleket basshysynyń Parlamenttiń 4-sessııasynda qoıǵan mindetterin talqylaýǵa arnalǵan Parlamenttegi «Nur Otan» partııasy fraktsııasynyń jınalysynda depýtat Saparhan Omarov aıtty, dep habarlaıdy QazAqparat tilshisi.

«Prezıdenttiń agrarlyq ǵylym salasynda qoıǵan mindetterin oryndaý úshin «Nur Otan» fraktsııasynyń depýtattary Úkimet agrarlyq ǵylymdy jáne tehnologııalar transfertin damytý jónindegi jol kartasyn ázirlep, bekitýi qajet dep oılaımyz, - dedi ol.

Onyń atap ótýinshe, atalǵan jol kartasynda ǵylymı zertteý jáne bilim berý uıymdaryn basqarýdyń ashyqtyǵy, ekonomıka men bıznestiń qajettiligin ózektendirý, ǵylymı zertteýlerge arnalǵan tapsyrystardy qalyptastyrýǵa jáne qarjylandyrýǵa bıznestiń qatysýyn yntalandyrý tetikterin engizý, ǵylymı-tehnıkalyq jumystardyń nátıjelerin qorǵaý jáne ǵalymdardyń ǵylymı-tehnıkalyq jumysynyń nátıjelerin agroónerkásiptik keshendi paıdalanǵany úshin roeltı jınaý tetikterin jetildirý, áleýetti jumys berýshilerdiń talaptaryn eskere otyryp jasalǵan bilim berý baǵdarlamalary jáne argoónerkásip keshen úshin kadrlar daıyndaýdyń birtutas júıesin qurý, zamanaýı tehnologııalardy kórsetý jáne engizý transfertterdi uıymdastyrý úshin turaqty jumys isteıtin kórsetý kórme alańdaryn qurý sııaqty ózekti máseleler qaralýy tıis.