Ǵylymı konferentsııada shekaralyq, aqparattyq qaýipsizdik pen ony qorǵaýdyń joldary qozǵaldy – QR UQK ShQ
ASTANA. QazAqparat - Shekara akademııasynda Qazaqstan Respýblıkasy Qorǵanys mınıstrliginiń ǵylymı-zertteý bólimderi men oqý oryndarynyń professorlyq-oqytýshylyq quramynyń qatysýymen respýblıkalyq ǵylymı-praktıkalyq konferentsııa bolyp ótti.
Bul týraly QR UQK ShQ baspasóz qyzmetinen habarlady. «Qazaqstan Respýblıkasynyń shekaralyq qaýipsizdigin qamtamasyz etýdiń teorııasy men praktıkasy» taqyrybynda ótken konferentsııada Qazaqstan Respýblıkasy Ulttyq qaýipsizdik komıteti Shekara qyzmetiniń akademııasynyń jáne Qorǵanys mınıstrliginiń Ulttyq ýnıversıtetiniń ókilderi óz sózderinde qazirgi tańdaǵy qalyptasqan jaǵdaıǵa keńinen toqtalyp ótti. Bolýy múmkin qaýip-qaterlerdi, sheteldiń tájirıbesin talqylaı kele, olardyń shekaralyq qaýipsizdikke yqpalyn qozǵady.
Sondaı-aq, aqparattyq qaýipsizdik pen ony qorǵaýdyń joldary jaıly pikir-usynystar ortaǵa salyndy. Qazirgi kezde IT-tehnologııa men baılanys quraldary arqyly radıkaldy ekstremızm men halyqaralyq terrorızm ıdeıalarynyń tarap otyrǵandyǵyn naqty mysaldarmen keltirildi.
Konferentsııaǵa qatysýshylar shekara qaýipsizdigin qamtamasyz etý máselesin árdaıym erekshe nazarda ustap otyrý qajettigine toqtaldy.
