Ǵylymı granttardy bólý tikeleı efırde júrgiziledi - QR BǴM
"Elbasy tapsyrmasyna sáıkes, jas ǵalymdarǵa arnalǵan granttardy 3 mlrd teńgege ulǵaıtý josparda bar. Sonymen qatar, ǵylymdy qarjylandyrý joldary men Ulttyq ǵylymı keńesti (UǴK) reformalaý tolyq qarqynmen júrip jatyr. Birinshiden, UǴK jańartylǵan quramy jobasy mınıstrlik saıtynda tur. Ǵylymı qaýymdastyqtan barlyq úmitkerler boıynsha pikir aıtýlaryn suraımyn. Narazylyq bolsa da, qazir aıtý kerek. Barlyq pikirler ashyq túrde jarııalanady jáne árbir pikirge qulaq asamyz. Aldaǵy 20 kún ishinde UǴK jańa quramy týraly barlyq pikir qabyldanady", - dedi Erlan Saǵadıev Astanada mınıstrlik alqasynyń keńeıtilgen otyrysynda
Sonymen birge, mınıstr ulttyq ǵylymı keńes otyrystaryn ashyq ótkizý joldaryn aıtyp berdi.
"Ǵylym komıtetine barlyq normatıvtik qujattamany túzetý týraly tapsyrma berdik. Jańa normatıvti de saıtqa saldyq. Úshinshiden, Ǵylym komıtetine UǴK kelesi otyrysyn tikeleı efırden trnslıatsııalaýdy tapsyrdyq. Al granttardyń bólinýi úlken zalda baspasózdiń qatysýymen ótedi. Barlyǵy akvarıýmdegideı ashyq ótýi tıis", - dedi E. Saǵadıev.