Ǵylymǵa qatysty normatıvtik quqyqtyq aktilerdiń jobasyn talqylaý aıaqtaldy
ASTANA. QazAqparat - Ǵylym týraly normatıvtik quqyqtyq aktilerge engiziletin ózgerister men tolyqtyrýlardy talqylaý aıaqtaldy, dep habarlaıdy QazAqparat Ǵylym komıtetiniń saıtyna silteme jasap.
14 aqpanda Ǵylym komıteti QR Bilim jáne ǵylym mınıstrligi men komıtettiń saıtynda birqatar normatıvtik qujattar jobasy jarııalanǵan bolatyn.
«Ulttyq ǵylymı keńester týraly» QR Úkimetiniń 2011 jylǵy 16 mamyrdaǵy № 519 (23 usynys tústi), «Memlekettik ǵylymı-tehnıkalyq saraptamany uıymdastyrý jáne júrgizý qaǵıdasyn bekitý týraly» QR Úkimetiniń 2011 jylǵy 1 tamyzdaǵy № 891 (5 usynys tústi), «Ǵylymı jáne (nemese) ǵylymı-tehnıkalyq qyzmetti bazalyq, granttyq, baǵdarlamalyq-nysanaly qarjylandyrý qaǵıdasyn bekitý týraly» QR Úkimetiniń 2011 jylǵy 25 mamyrdaǵy № 575 (17 usynys tústi), «Ulttyq ǵylymı keńesterdiń quramyn bekitý týraly» QR Úkimetiniń 2011 jylǵy 12 shildedegi № 785 (21 usynys tústi) qaýly jobalaryna tolyqtyrýlar men ózgertýler engizýdi talqylaý 6 naýryzynda aıaqtaldy», - delingen habarlamada.
Barlyq usynystar Ǵylym komıtetiniń ǵylym jónindegi normatıvtik-quqyqtyq aktilerdi jetildirý boıynsha Jumys komıssııasynda qaralady.
Komıtet usynystardy eskere otyryp, qaıta qaralǵan jobalardy taıaý arada legalacts.egov.kz saıtynda jarııalaıdy.
Eske sala ketsek, byltyr tamyz aıynda Ǵylym komıteti ǵylym týraly normatıvtik-quqyqtyq aktilerge engiziletin ózgeristerdi talqylaýǵa barlyq múddeli túlǵalardy shaqyrǵan bolatyn.
