Ǵylymǵa qatysty normatıvtik-quqyqtyq aktiler ózgeredi

ASTANA. QazAqparat - Ǵylym komıteti ǵylym týraly normatıvtik-quqyqtyq aktilerge engiziletin ózgeristerdi talqylaýǵa barlyq múddeli túlǵalardy shaqyrady, dep habarlaıdy QazAqparat.
None
None

Komıtettiń málimetinshe, jumys toby Ǵylym týraly NQA-ǵa ózgerister men tolyqtyrýlar engizýge usynystar ázirlep bitirgen. Onyń quramyna QR UǴA, QR AShM, QR QAÓM, QR QM jáne ǵylymı uıymdar ókilderinen 14 adam kirdi.

Jumys toby kelesideı ǵylym salasyndaǵy NQA-ǵa ózgerister men tolyqtyrýlar engizý úshin usynystar ázirledi. Olar: «Ulttyq ǵylymı keńester týraly» Qazaqstan Respýblıkasy Úkimetiniń 2011 jylǵy 16 mamyrdaǵy № 519 qaýlysy; «Ǵylymı jáne (nemese) ǵylymı-tehnıkalyq qyzmetti bazalyq, granttyq, baǵdarlamalyq-nysanaly qarjylandyrý qaǵıdasyn bekitý týraly» Qazaqstan Respýblıkasy Úkimetiniń 2011 jylǵy 25 mamyrdaǵy № 575 qaýlysy; «Memlekettik ǵylymı-tehnıkalyq saraptamany uıymdastyrý jáne júrgizý qaǵıdasyn bekitý týraly» Qazaqstan Respýblıkasy Úkimetiniń 2011 jylǵy 11 tamyzdaǵy № 891 qaýlysy.

Aıta keterligi, UǴK týraly ereje bıyl 5 shilde men 19 shilde aralyǵynda legalacts.egov.kz ashyq portalynda qoǵamdyq talqylaýǵa shyǵaryldy. Sonymen qatar, joba 20 shildede QR UQP «Atameken», QR BǴM Qoǵamdyq keńesi jáne QR JOO qaýymdastyǵyna qarý úshin joldanǵan bolatyn.

Joǵaryda kórsetilgen ózgertýlermen barlyq múddeli tulǵalar  boıynsha tanysyp, usynystardy r.mukysheva@edu.gov.kz, Ǵylymı jobalar men baǵdarlamalardy memlekettik monıtorıngteý basqarmasynyń basshysy Raýshan Muqyshevaǵa joldaýy kerek. Berilgen usynystar sońǵy jobany ázirlegende paıdalanylady.

Qazirgi ýaqytta barlyq múddeli mekemelerden túzetýlerdi talqylaý jáne usynystardy jınaqtaý júrip jatyr. Qorytyndy joba da sońǵy talqylaý úshin jurtshylyq nazaryna usynylady jáne múddeli memlekettik organdarǵa jiberiledi.

Сейчас читают