Ǵylymdy urpaǵyna amanattaǵan - Q. Sátbaevtyń týǵanyna 115 jyl

Osyǵan oraı ári ǵylymı qyzmetkerler kúnine oraı «Ǵylym ordasy» RMK ǵımaratynda saltanatty otyrys ótti.

QR Bilim jáne ǵylym vıtse-mınıstri Tahır Balyqbaevtyń qatysýymen ótken shara barysynda birqatar ǵalymdar Q.Sátbaevtyń ǵylymı murasy men qazaq ǵylymyna qosqan úlesi jaıly baıandama oqydy. Búgin ǵylymı qyzmetkerler kúnine oraı qurmetke bólengen ǵalymdar qatarynda «asyldyń synyǵy», onyń nemeresi Jarmaǵanbetova Álıma Qaınekeıqyzy da boldy.

«Meniń atam Qanysh Sátbaev syndy ǵalymdar ilkide bir kezdesedi. Ondaı tulǵa daryǵan qazaq halqy qandaı baqytty. Ol kisiniń ǵylymǵa, bilimge degen qushtarlyǵy bizge de sińgen bolýy kerek. Óıtkeni, onyń úsh qyzy da ǵylym doktory bolǵan. Úsh qyzynan taraǵan urpaq ta ǵylym aınalasynda júr. Bul bizge berilgen amanat sııaqty. Men búgingi shara barysynda eńbegim baǵalanǵanyna óte qýanyshtymyn», - dedi «D.V.Sokolskıı atyndaǵy organıkalyq katalız jáne elektrohımııa ınstıtýty» AQ zerthana meńgerýshisi, hımııa ǵylymdarynyń doktory, professor Álıma Qaınekeıqyzy.

Qanysh Sátbaev qazaǵynyń júreginde bir sózimen máńgilik jattaldy.

Tarıhı derekterge súıensek, Qanysh Imantaıuly Sátbaev brıtan premeri Ýınston Cherchılmen kezdesýi barysynda brıtan saıasatkeri onyń boıynyń suńǵaqtyǵyna tań qalyp, «qazaqtardyń bári osyndaı uzyn ba?» dep suraǵan kórinedi. Sonda Qanysh Imantaıuly «Joq, halqym menen de bıik» dep utymdy jaýap bergen eken.