Ǵylymdy tastap ketken ǵalym baqytqa jetken
ALMATY. QAZaQPARAT- Frantsııalyq ǵalym jáne genetık Mate Rıkar, zertteýshilerdiń aıtýynsha álemdegi eń baqytty adam bolyp shyqty. 66 jastaǵy frantsýz ǵalymy budan 40 jyl buryn ǵylymdy tastap, býddızm dinin tereń zertteý úshin Úndistanǵa kóship ketken edi, -dep habarlaıdy planeta.moy.su portaly
Rıkar kúndelikti medıtatsııanyń arqasynda, ýaıym-qaıǵydan ada únemi baqytty kúıde júredi eken.
Zertteý aıasynda Vıskonsın ýnıversıtetiniń nevrolog ǵalymy Rıchard Devıdson Rıkardyń basyna 256 datchık ornatqan. Olar Mateniń mıynda medıtatsııa kezinde oryn alatyn ózgeristerdi tirkep otyrǵan. Tirkeý nátıjesi kórsetkendeı, medıtatsııa barysynda Rıkardyń mıynyń Gamma tolqyndy belsendiligi eleýli túrde artatyndyǵy anyqtaldy. Osyǵan baılanysty, zertteýshilerdiń boljamynsha, mı qyrtysynyń prefrontaldyq, ıaǵnı aldyńǵy jaǵynda bolatyn shamadan tys belsendilik - adamnyń baqytty bolýyna erekshe yqpal etedi. Óıtkeni ondaıda adam toryǵýǵa berilip, ýaıymǵa berilmeıdi.
«Biz sońǵy 12 jyl ishinde osy bir erekshe nátıjege qol jetkizýge tyrystyq. Bul úshin medıtatsııamen aınalysatyn júzdegen adamdardy zerttedik. Ásirese, onymen uzaq jyldar aınalysatyn jandardy baqylaı otyryp, tamasha nátıjelerdi tirkedik. Sonymen qatar, medıtatsııamen endi ǵana aınalysa bastaǵandardyń mıynda da oń ózgerister baıqaldy. Demek, medıtatsııa bul kóleńkede otyryp alyp qalǵyp, múlgý emes, bul qupııaǵa toly tylsym dúnıe! Ol adamnyń mıyn ózgertedi. Demek adamnyń ózin de ózgerte alady» - dedi óz sózinde Rıchard Devıdson.
Ǵylymda «Neıroıilimdilik» dep atalatyn bul qubylysty qazir búkil álem ǵalymdary zertteý ústinde.
