Ǵylymdy qýǵansha dánekerleýshi bolyp istegen durys shyǵar - tarıxshy
ASTANA. QazAqparat - QR Bilim jáne ǵylym mınıstrligi Memleket tarıxy ınstıtýtynyń dırektory Búrkitbaı Aıaǵannyń aıtýynsha, búgingi jastar ǵylymǵa kóp kele bermeıdi. Sebebi jalaqy az, dep xabarlaıdy QazAqparat tilshisi.
«Bizde kásibı bilimdi tegin berip, jumysshy mamandyqtarǵa aqysyz oqytý bastamasyn qolǵa alǵany óte durys boldy. Ol aýyl jastarynyń biraz problemasyn sheship berýi tıis. Mysaly, bir jaqsy dánekerleýshi aıyna bir-eki myń dollar alýy múmkin. Keı kezde oılaısyn, qınalyp, ǵylym qýyp, doktor bolǵansha, múmkin, jaqsy bir dánekerleýshi bolý qajet pa edi ?. Sebebi qazirgi kezde kásibı dánekerleýshige de, kásibı qurylysshyǵa da suranys bar. Ondaı mamandar tapshy», - deıdi tarıxshy Aıaǵan.
Instıtýt dırektorynyń aıtýynsha, ǵylymda júrgen professordar kóp tabys tabýy múmkin. Alaıda jas mamandar ǵylymǵa kóp kele bermeıdi. Sebebi jalaqy tómen.
«Bul ózi sońǵy 20 jylda bolyp jatqan jaǵdaı. Jastardyń ǵylymǵa kelýi múldem azaıyp ketken. Daryndy jigitterdiń kóbisi bıznesti, ıa bolmasa, memlekettik qyzmetti qýyp ketedi. Olardyń kelmeıtin sebebi - jalaqy az. Sol másele qınaıdy», - dep atap kórsetti professor QazAqparat tilshisine bergen suxbatynda.
Aıta keteıik, «Qazaqstannyń memlekettik-jekeshelik ortalyǵy» AQ tóraǵasynyń orynbasary, «Bolashaq» baǵdarlamasynyń túlegi Ǵalymbek Mamyraevtyń oıynsha, el ekonomıkasyn jańǵyrtý sharalary aıasynda jumysshy mamandyqtardan burynkeńsede otyrǵan qyzmetkerlerdi qysqartý qaýpi basym bolyp tur.
