Ǵylymdy qarjylandyrýdyń úsh tetigi de oıdaǵydaı jumys isteýde - vıtse-mınıstr M.Orynhanov

ASTANA. 16 aqpan. QazAqparat - Osy ýaqytqa deıin granttyq qarjylandyrý tetigi boıynsha ǵylymǵa 10 mlrd. teńge bólindi.

Bul týraly búgin Astanada ótken ǵylymı keńes barysynda QR Bilim jáne ǵylym vıtse-mınıstri Murat Orynhanov málim etti.

Búginde jańa zańnamaǵa sáıkes, otandyq ǵylymdy qarjylandyrýdyń úsh tetigi de oıdaǵydaı jumys istep jatyr. «Byltyr bazalyq qarjylandyrý boıynsha 73 mekemege 2,7 mlrd. teńge bólinse, bıyl ǵylym-bilim salasyndaǵy 161 mekemege 7,8 mlrd. teńge qarastyrylyp otyr. Kelesi jyly da bul kórsetkish tómendemeıdi. Maqsatty qarjylandyrý tetigi boıynsha Joǵary ǵylymı-tehnıkalyq komıssııa 91 baǵdarlamany qabyldady. Al granttyq qarjylandyrý salasynda ǵalymdar usynǵan jobalarǵa 10 mlrd. teńge bólindi. Jalpy, grant alýǵa 1990 ótinish túsken bolatyn. Ǵylymı jobalardyń jalpy somasy 94 mlrd. teńgeni qurady», - deıdi M.Orynhanov.