Ǵylymdy qarjylandyrý sońǵy eki jylda 80 paıyzǵa ósti - B. Jumaǵulov
ASTANA. 18 maýsym. QazAqparat -Ǵylymǵa bólinetin qarjy sońǵy eki jylda 80 paıyzǵa ósip otyr.
Bul týraly búgin Májilistegi Úkimet saǵatynda Bilim jáne ǵylym mınıstri Baqytjan Jumaǵulov málim etti.
Mınıstrdiń aıtýynsha, eger 2011 jyly ǵylym salasyna bólinetin qarjy 26,8 mlrd. teńgeni qurasa, 2012 jyly 48 mlrd. tegege jetip, 80 paıyzǵa ósti.
«Ǵylym týraly jańa zańǵa sáıkes, zertteý ınstıtýttary qurylýda. Qazirgi ýaqytta ınnovatsııalyq baǵytta 10 ýnıversıtet jumys jasaıdy. Jalpy alǵanda Elbasy aǵymdaǵy jylǵy Joldaýynda Nazarbaev Ýnıversıteti aınalasynda ınnovatsııalyq-ıntellektýaldyq klaster qurý týraly ıdeıa usynǵan edi. Keıin onyń tájirıbesi basqa da ǵylymı-bilim berý ortalyqtaryn qurý úshin paıdalanylatyn bolady. Biz bul baǵytta jumysty jalǵastyramyz», - deıdi mınıstr B. Jumaǵulov.
