Ǵylymdy damytý baǵdarlamasynyń jobasy Úkimetke 2013 jyldyń maýsymynda usynylady
ASTANA. 17 mamyr. QazAqparat - Aǵymdaǵy jyldyń maýsymynda Úkimetke Ǵylymdy damytýdyń salalyq baǵdarlamasynyń jobasy usynylady,
dep habarlady Bilim jáne ǵylym mınıstrliginiń Ǵylymdy damytý komıteti tóraǵasynyń orynbasary Erbol Súleımenov primeminister.kz saıtyna bergen suhbatynda.
"Qazir biz Úkimettiń tapsyrmasymen Ǵylymdy damytý salalyq baǵdarlamasyn ázirleýmen aınalysyp jatyrmyz. Atalǵan qujattyń jobasyn qazir jasap jatyrmyz jáne ol taıaý arada Úkimetke usynylady... Bizge ony aǵymdaǵy jyldyń maýsym aıyna deıin usynsyn degen tapsyrma berildi. Baǵdarlamamen Qazaqstanda ǵylymı qyzmetti damytý boıynsha júıelik sharalar kesheni qarastyrylǵan», - dedi komıtet basshysynyń orynbasary.
«Birinshiden, bul kadrlar daıarlaý, ekinshiden, ǵylymı qyzmetti óristetý úshin ınfraqurylymdy damytý, úshinshiden, ǵylymı qyzmetti qarjylandyrý», - dep túsindirdi ol.
E.Súleımenovtyń aıtýynsha, qazirgi ýaqytta 325 ǵylymı uıym jumys isteýde, onda shamamen 20 myń maman qyzmet etedi.
«Ǵylymdy qarjylandyrýǵa keletin bolsaq, ol JІÓ-niń 0,2% quraıdy. Halyqaralyq baǵalaý boıynsha ǵylymdy damytý úshin shamamen JІÓ-niń 1,7% jetkilikti. Ázirge bul kórsetkishten qalyp kelemiz», - dedi vedomstvo ókili.
Sonymen qatar, E.Súleımenov atap ótkendeı, «absolıýttik san boıynsha ǵylymdy qarjylandyrý artyp keledi. Eger 2010-2011 jyldary ǵylymǵa respýblıkalyq bıýdjetten shamamen 20 mlrd teńge bólinse, 2012 jyly bul san 50 mlrd teńgeni qurady».
