Ǵylym jáne joǵary bilim mınıstrligin damytý jospary jedel qabyldanýy tıis - Altaı Kólginov
«Bizdiń negizgi maqsatymyz – ǵylym men joǵary bilimniń damýyn ekonomıkalyq ósimge jáne halyqtyń ómir súrý sapasyn arttyrýǵa baǵyttaý. Búgin biz mınıstrliktiń aldyndaǵy mindetterdi iske asyrý máselelerin talqyladyq. Barlyq aıtylǵan usynystar muqııat saralanyp, salalyq tujyrymdamalarǵa jáne mınıstrliktiń damý josparyna engizilýi tıis», - dedi vıtse-premer Ǵylym jáne joǵary bilim mınıstrliginiń keńeıtilgen alqa májilisinde.
Osy oraıda, Úkimet basshysynyń orynbasary elimizdiń Ǵylym jáne joǵary bilim mınıstri Saıasat Nurbekke vedomstvonyń damý josparyn ázirleýdi jyldamdatýdy tapsyrdy. Sonymen qatar, Úkimet tarapynan da kómek bolatyndyǵyn eskertip ótti.
«Qazir sizdiń damý josparyńyz Ulttyq ekomomıka mınıstrliginde jatyr. Ulttyq ekonomıka mınıstrligine tıisti tapsyrma berildi. Bul qujattar qańtar aıynyń sońyna deıin qabyldanýy qajet», - dedi Altaı Kólginov.
